E mata, e iloa faeloa ne Ieova a te ‵toe mea ‵lei mō tatou? Ao! Mai te tali‵tonu ki te mea tenei, e fakaasi atu ne tatou a te poto māfai e tau‵tali ki ana fakatakitakiga. (Fat 16:3, 9) Kae e mafai loa o tofotofo te ‵tou tali‵tonu ki tena takitakiga māfai e ‵kese mo ‵tou mafaufauga. E mafai o fakamalosi aka te ‵tou tali‵tonu ki te poto o Ieova māfai e mafaufau ‵loto ki ana galuega fakaofoofogia.—Fat 30:24, 25; Lom 1:20.

KE ONONO KI TE VITIO E MATA NE FAITE? E PUIPUI PEFEA NE LŌ KE SE ‵LAVE TE LOTOU AUALA? KAE TALI A FESILI KONEI:

• Ne a mea e masani o fai ne lō i aso katoa?

• E puipui pefea ne lō ke se ‵lave te lotou auala?

• Ne a mea e tauloto ne tatou mai te auala e olo faka‵lei i ei a lō?

KE ONOONO KI TE VITIO E MATA NE FAITE? TE AUALA E EVA FAKA‵LEI EI A PII, KAE TALI A FESILI KONEI:

• Ne a fakalavelave e fe‵paki mo tino māfai e eva i vakalele fo‵liki?

• E fakatumau pefea ne pii a te eva o latou kae e se mafai o agi ne matagi ma‵losi?

• E mafai pefea o aoga ki tino a te poto masani o pii?

Ne a fakamaoniga o te poto o Ieova e lavea ne koe i mea ola ne faite i te koga e nofo koe i ei?