E ma‵nako tatou o fakafiafia a Ieova i mea katoa e fai ne tatou. (Fat 27:11) Ke fai penā, e ‵tau o fai ne tatou a fakaikuga kolā e fakaata mai ei ana mafaufauga faitalia me seai se tulafono manino io me se fakatonuga ke takitaki ei tatou. Ne a mea e mafai o fesoasoani mai ke fai ne tatou te mea tenā?

Fakatumau se polokalame ke sukesuke ki te Tusi Tapu i aso katoa. I taimi takitasi e fai‵tau ei tatou ki te Tusi Tapu, e fai eiloa pelā me ‵nofo fakatasi tatou mo Ieova. E mafai o tauloto tatou e uiga ki mafaufauga o Ieova mai te mafaufau ‵loto ki ana faifaiga ki ana tino kae suke‵suke ki fakaakoakoga a latou kolā ne fai ne latou a mea ‵lei io me ko mea ma‵sei i tena kilokiloga. Kafai e manakogina ke fai ne tatou se fakaikuga, e mafai o fesoasoani mai te agaga tapu ke masaua ne tatou a akoakoga mo fakatakitakiga tāua kolā ne tauloto ne tatou mai te Muna a te Atua.—Ioa 14:26.

Fai a sukesukega. Kafai e ‵tau o fai ne koe se fakaikuga, ke fesili ifo, ‘Ne a fuaiupu io me ko tala i te Tusi Tapu e mafai o fesoasoani mai ke malamalama au i lagonaga o Ieova e uiga ki se mea?’ ‵Talo mō te fesoasoani o Ieova, kae fakaaoga a mea faigaluega a te ‵tou fakapotopotoga i tau ‵gana ke fesoasoani atu ke maua kae fakagalue ne koe a fakatakitakiga i te Tusi Tapu kolā e aoga ki tou fakanofonofoga.—Sal 25:4.

ONOONO KI TE VITIO E ‵TAU O “‵TELE ATU TATOU MO TE KUFAKI”—KAI KI MEA‵KAI AOGA, KO TALI AKA EI A FESILI KONEI MAI LALO:

• Ne a fakamalosiga sē ‵lei ne fakafesagai mo te tuagane talavou i te vitio?

  Your answer

• E fesoasoani atu pefea a mea faigaluega mō fai a sukesukega ke fakafesagai atu koe ki fakamalosiga sē ‵lei tai ‵pau penā?

  Your answer

• E aoga pefea ki a tatou a te fakaaoga o taimi ke fai a sukesukega ‵loto penā foki mo sukesukega totino kolā e mafai o fesoasoani mai ke fai ne tatou a fakaikuga ‵lei?—Epe 5:13, 14

  Your answer