E mafai ne te Muna a te Atua o ‵fuli a ‵tou olaga. (Epe 4:12) Kae ke maua a mea aoga mai tena takitakiga mo pati fakatonutonu, e ‵tau o loto tali‵tonu tatou me i te mea tenei ko te “muna eiloa a te Atua.” (1Te 2:13) E mafai pefea o fakamalosi aka ne tatou a te ‵tou fakatuanaki ki te Tusi Tapu?

Faitau se vaega o te Tusi Tapu i aso katoa. I te taimi e faitau koe, onoono ki fakamaoniga me ko Ieova eiloa te Tino ne tusi ne ia. E pelā me se fakaakoakoga, sukesuke ki manatu fesoasoani i te tusi o Faataoto kae onoono ki te aoga o te poto i ei ki ‵tou olaga i aso nei.—Fat 13:20; 14:30.

Kamata o fai au sukesukega ki ei. Fai ke iloa ‵lei ne koe a fakamaoniga kolā e fakatalitonu mai i ei me i te Tusi Tapu ne māfua mai i te Atua. I te Research Guide for Jehovah’s Witnesses, onoono ki te mataupu “The Bible” kae ko te ulutala “Inspired by God.” E mafai foki o fakamalosi aka tou fakatuanaki me i te fekau i te Tusi Tapu ne seki ‵fuli eiloa, mai te sukesuke ki fakamatalaga e maua i te Mataupu Fakaopoopo A3 o te ‵Fuliga o te Lalolagi Fou.

ONOONO KI TE VITIO KO TE POGAI E ‵TAU O FAKATUANAKI TATOU . . . KI TE MUNA A TE ATUA, KO TALI AKA EI A FESILI KONEI MAI LALO:

• Ne fakamaoni mai pefea i se ata i se ‵pui o te faletapu i Karnak, i Aikupito, a te ‵tonu o te Muna a te Atua?

  Your answer

• E iloa pefea ne tatou me ne seki mafuli eiloa te fekau i te Tusi Tapu?

  Your answer

• E fakamaoni aka pefea ne koe a te manatu, me i te Tusi Tapu telā koi maua ne tatou ke oko mai loa ki aso nei, ko te Muna a te Atua?—Faitau te Isaia 40:8

  Your answer