Kaia e ‵tau ei o fakatoka? A fakalavelave fakafuasei i togafiti fakatokita io me ko te faulu ki te fakaimasaki e mafai o tupu fakavave. Tela la, koi tuai o sae aka se fakalavelave, na ‵sala a togafiti fakatokita ‵lei kolā e mafai o fesoasoani atu ki a koe. Mai te faiga penā, ko fakaasi atu ei me āva koe ki te ola mo te tulafono a Ieova e uiga ki te toto.—Gal 15:28, 29.

Ne a au mea e mafai o fai ke toka koe?

• Ke ‵talo kae oti ko mafaufau faka‵lei a koi tuai o faka‵fonu ne koe a te pepa ko te (DPA). a E mafai ne tino talai papatiso o puke olotou pepa DPA, penā foki te Identity Card (ic) ma olotou tama‵liki kolā koi fo‵liki mai te taina telā e onoono ki tusi

• Kafai koe faitama, fakamolemole atu ki toeaina i tau fakapotopotoga mō se ‵kopi o te Information for Expectant Mothers (S-401). Ka fesoasoani atu a te pepa tenā ke fai ne koe a fakaikuga ‵lei ki togafiti fakatokita kolā e mafai o ‵sae aka i te taimi koi faitama ei koe, penā foki māfai ko fanau

• Kafai e manakogina ke fakaaoga se togafiti fakatokita telā kāti e mafai o aofia i ei a te toto io me faulu i te fakaimasaki, fakailoa fakavave atu ki toeaina i tau fakapotopotoga io me fakailoa ki te fakaimasaki me ka talia ne koe se asiga mai se tavini Molimau a Ieova

E mafai pefea ne toeaina o fesoasoani? E mafai o fesoasoani atu latou ke faka‵fonu ne koe te pepa ko te DPA. Kae ka se fai ne toeaina a fakaikuga ki togafiti fakatokita mō koe io me fakaasi atu olotou kilokiloga totino ki se filifiliga a se tino. (Lom 14:12; Kal 6:5) Kafai e fakailoa ne koe ki toeaina i tau fakapotopotoga me ko fakafesagai koe mo se tulaga telā e aofia i ei a te fakaaogaga o te toto, ka fesokotaki fakavave atu latou ki te Komiti mō Fakaimasaki (HLC) e uiga mō koe.

E mafai pefea o fesoasoani atu te HLC? A taina kolā e aofia i te HLC ne akoakogina faka‵lei ke fesoasoani atu ki tokita mo tino e ga‵lue i mea tau tulafono ke malamalama i ‵tou tulaga fakalotu e uiga ki te toto. E mafai o sau‵tala latou mo tou tokita ki togafiti fakatokita kolā e se fakaaoga i ei te toto. Kafai e manakogina, e mafai o fesoasoani atu latou ke ‵sala se tokita telā e loto malamalama i tou tulaga e uiga ki te toto.

ONOONO KI TE VITIO KO TE AUALA KE FAI A FAKAIKUGA KI TOGAFITI FAKATOKITA E UIGA KI TE TOTO, KO TALI AKA EI A FESILI KONEI MAI LALO:

• Se a te mea ne tauloto ne koe mai te vitio tenei, telā e mafai o fesoasoani atu ke toka koe mō so se fakalavelave fakafuasei telā e aofia ei te toto?

  Your answer