Fepuali 19-25
SALAMO 8-10
Pese 2 mo te ‵Talo | Pati Kamata (1 minu.)
1. “Ka Tavae ne au Koe, e Ieova”!
(10 minu.)
Ieova e fai ne ia a mea e tafasili i te ‵lei ki a tatou (Sal 8:3-6; w21.08 3 ¶6)
E fia‵fia eiloa tatou o tavae a Ieova mai i te fakailoa atu ki nisi tino ana galuega ‵gali ne fai (Sal 9:1; w20.05 23 ¶10)
E tavae foki ne tatou a ia māfai e usu tatou mo ‵tou loto kātoa ki a ia (Sal 9:2; w22.04 7 ¶13)
FESILI IFO KI A KOE, ‘Ne a nisi auala e mafai ei au o tavae atu ki a Ieova?’
2. Taemani Faka-te-Agaga
(10 minu.)
-
Sal 8:3—Se a te uiga o pati a te faisalamo i te taimi ne faipati ei a ia e uiga ki matikao lima o te Atua? (it-1 832)
-
Ne a taemani faka-te-agaga mai te faitauga ki te Tusi Tapu i te vaiaso tenei e manako koe o fakaasi mai?
3. Faitauga ki te Tusi Tapu
(4 minu.) Sal 10:1-18 (th manatu 11)
4. Kamataga o se Sau‵talaga
(3 minu.) FALE KI FALE. E fai atu te tino i te fale i a ia e se talitonu ki te Atua. (lmd mataupu 5 manatu 4)
5. Toe Āsi Atu
(4 minu.) TALAI I SO SE TAIMI. I te sau‵talaga muamua ne fai, ne fai atu te tino i te fale i a ia e se talitonu ki te Atua, kae ne fiafia a ia ke sau‵tala ki fakamaoniga me e isi eiloa se tino ne faite ne ia a mea katoa. (th manatu 7)
6. Lāuga
(5 minu.) w21.06 6-7 ¶15-18—Matua: Fesoasoani ki au Tino A‵koga ke Tavae Atu ki a Ieova. (th manatu 10)
Pese 10
7. Talai i te Auala Masani i so se Taimi
(10 minu.) Sau‵talaga.
Tasi te auala e mafai o momea aka te ‵tou tavae atu ki a Ieova, māfai e talai atu tatou ki so se tino e fetaui mo tatou i te aso. (Sal 35:28) Muamua la, kāti e manava‵se tatou mafai e talai atu i so se taimi. E ui i ei, kafai e tauloto tatou ke kamata sau‵talaga i te auala masani, e mafai eiloa o apo tatou kae fia‵fia foki ki ei!
Pei te VITIO Ke Toka o Fakailoa atu “te Tala ‵Lei o te Filemu”—Gasue Muamua. Ko fesili atu ei ki te kautaina:
Se a tau mea ne tauloto mai i te vitio telā e mafai o fesoasoani atu ke apo koe i te talai atu i so se taimi?
E maua mai lalo a nisi manatu ke fesoasoani atu ke kamata ne koe se sau‵talaga:
-
Ke onoono ki avanoaga ke kamata sau‵talaga i so se taimi e tiaki ne koe tou fale. Talo e uiga mo te mea tenā, kae fakamolemole ki a Ieova ke takitaki ne ia koe ki tino loto ‵lei
-
Ke mata katakata kae fakaasi atu te fiafia tonu ki tino e fetaui mo koe. Taumafai ke iloa ne koe se mea e uiga ki te tino, ke mafai o iloa ne koe me se a te mataupu i te Tusi Tapu e fiafia a ia o sau‵tala ki ei
-
Kafai e ‵lei, taumafai ke maua ne koe te auala e mafai o fesokotaki ki a ia
-
Sa loto vāivāi mafai e oti te sau‵talaga kae seki ai se avanoaga ke talai atu
-
Kafai ko oti te sau‵talaga, ke tumau i te mafaufau ki te tino tenā. Ke fakaasi atu faeloa te fiafia tonu ki te tino tenā mai i te lafo atu o se fakatuatusi ki se tusi faitau, io me se mataupu i te jw.org
Tofotofo te mea tenei: Kafai e fesili atu se tino, ‘Ne a au mea ne fai i te fakaotiga o te vaiaso?,’ fai atu ki ei au mea ne tauloto i te fakatasiga io me ko te galuega ne fai ne koe e pelā me se faiakoga o te Tusi Tapu.
8. Manakoga o te Fakapotopotoga
(5 minu.)
9. Sukesukega a te Fakapotopotoga ki te Tusi Tapu
(30 minu.) bt mata. 6 ¶1-8 mo te fakatomuaga ki te vaega 2
