Fepuali 26–Mati 3
SALAMO 11-15
Pese 139 mo te ‵Talo | Pati Kamata (1 minu.)
1. Fakaataata ne Koe a Koe i te Lalolagi Fou Filemu a te Atua
(10 minu.)
A te se āva o tino ki tulafono mo fakatonuga e fakamāfua i ei a amioga fakasaua e lavea ne tatou i aso nei (Sal 11:2, 3; w06 5/15 18 ¶3)
E tali‵tonu tatou me ko pili o fakaseai ne Ieova a amioga fakasaua (Sal 11:5; wp16.4 11)
A te mafaufau ki te tautoga a Ieova e uiga ki te fakaolataga e mafai o fesoasoani mai ki a tatou ke fakatalitali mo te kufaki ki te lalolagi fou (Sal 13:5, 6; w17.08 6 ¶15)
‵TOFO AKA TE MEA TENEI: Faitau te Esekielu 34:25, kae taumafai o mānava malie kae fakaataata ne koe a koe i se koga filemu telā e fakamatala mai i konā.—kr 236 ¶16.
2. Taemani Faka-te-Agaga
(10 minu.)
-
Sal 14:1—E mafai pefea o pokotia a Kelisiano i te uiga fakamataku telā e fakamatala mai i pati konei? (w13 9/15 19 ¶12)
-
Ne a taemani faka-te-agaga mai te faitauga ki te Tusi Tapu i te vaiaso tenei e manako koe o fakaasi mai?
3. Faitauga ki te Tusi Tapu
(4 minu.) Sal 13:1–14:7 (th manatu 2)
4. Kamataga se Sau‵talaga
(2 minu.) TALAI I SO SE TAIMI. ‵Kami mai te tino ki te Fakamanatuga. (lmd mataupu 5 manatu 3)
5. Kamataga o se Sau‵talaga
(1 minu.) FALE KI FALE. ‵Kami mai te tino ki te Fakamanatuga. (lmd mataupu 3 manatu 4)
6. Kamataga o se Sau‵talaga
(3 minu.) FALE KI FALE. Se tino e fakaasi mai ne ia te fiafia ki tena kamiga ki te Fakamanatuga. (lmd mataupu 7 manatu 4)
7. Te Faiga o Soko
(5 minu.) lff mataupu 13 manatu aoga, fesili mo mea e mafai o fai. Fakaaoga se mataupu mai te vaega “Nisi Fakamatalaga” ke fesoasoani ki tau tino akoga ke malamalama i lagonaga o te Atua e uiga ki lotu ‵se. (th manatu 12)
Pese 8
8. “A te Poto e ‵Lei Atu i lō Meatau o te Taua”
(10 minu.) Sau‵talaga.
Amioga fakasaua ko gasolo aka ki luga i te lalolagi kātoa. E iloa ne Ieova me i amioga fakasaua e lavea ne tatou e fai ei ke manava‵se tatou. E malamalama foki a ia me e manakogina ne tatou se puipuiga. Kae tasi o auala e puipui ne ia tatou ko tena Muna ko te Tusi Tapu.—Sal 12:5-7.
E maua i te Tusi Tapu a te poto telā e “‵lei atu i lō meatau o te taua.” (Fai 9:18) Ke onoono nei tatou ki fakatakitakiga mai i te Tusi Tapu kolā e mafai o fesoasoani mai ke puipui tatou mai i te pokotia i amioga fakasaua.
-
Fai 4:9, 10—Ke ‵kalo keatea i te fano tokotasi i koga kolā e fakama‵taku mo tulaga fakama‵taku
-
Fat 22:3—Fai ke iloa ne koe a mea e ‵tupu i ou tafa i te taimi e nofo ei koe i koga e tokouke a tino i ei
-
Fat 26:17—Ke mo a ma aofia i kinauga kolā e seai sau fekau i ei
-
Fat 17:14—Ke tiaki fakavave te koga tenā mafai e lavea ne koe me ko pili o ‵tupu ne faifaiga fakasaua i ei. Kae ‵kalo keatea mai potukau o tino kolā e fai ne latou maopoopo ‵teke
-
Luk 12:15—Ke mo a ma talia ke tu tou ola i se tulaga fakamataku ko te mea ke puipui io me faka‵sao ou kope
Pei te VITIO Fakaakoako ki Tino Fakamaoni, Kae e se ko Tino sē Fakamaoni—Enoka, Kae e se ko Lameko. Ko fesili atu ei ki te kautaina:
Ne fesoasoani atu pefea te fakaakoakoga a Enoka ki te fakaikuga a se tamana mo ana faifaiga i te taimi ne fakafesagai atu ki amioga fakasaua?—Epe 11:5
I nisi tulaga, e mafai o mafaufau se Kelisiano ke gasuesue a ia o fai se mea ke puipui ei a ia mo ana kope. Kafai e penā, e taumafai eiloa a ia ke mo a ma fai ne ia se mea e pokotia ei te ola o te suā tino io me fakamaligi toto.—Sal 51:14; onoono ki te “Fesili Mai Tino Fai‵tau” i te lōmiga o Te Faleleoleo Maluga Iulai 2017.
9. Galuega Fakapito o te Fakamanatuga e Kamata i te Aso Ono, Mati 2
(5 minu.) Se lāuga e fai ne se toeaina. Fakamatala atu a fakatokaga ki te faiga o te galuega fakapito, lāuga fakapito, mo te Fakamanatuga. Fakamasaua atu ki tino talai me e mafai ne latou o filifili ke paenia lagolago mō se 15-itula i te masina o Mati mo Apelila.
10. Sukesukega a te Fakapotopotoga ki te Tusi Tapu
(30 minu.) bt mata. 6 ¶9-17
