9:62

Ke faka‵tonu ne te tino fakamalū laukele a laina o fakatugā one mo fai ana fatoaga, e se ‵tau o saga a ia ki mea mai i ana tua kolā e mafai o fakalavelave atu ki a ia. I se auala tai ‵pau, e se talia foki ne se Kelisiano ke toe saga atu a ia ki mea kolā ko oti ne tiakina ne ia i te lalolagi.—Fpi 3:13.

I taimi e fe‵paki ei tatou mo fakalavelave, e faigofie ke fakamasausau ki ‘mea ‵gali i aso mua,’ kāti i aso kolā e seki maua i ei ne tatou a te munatonu. Kāfai e penā loa, ko kamata o mafau‵fau tatou me i ‵tou fakalavelave i aso mua e se na loa ko ma‵sei kae ne fia‵fia malosi atu tatou i taimi konā. Kae tenā eiloa te mea ne fai ne tino Isalaelu i te taimi ne tiakina ei ne latou a Aikupito. (Num 11:5, 6) Kafai e mafau‵fau faeloa tatou ki mafau‵fauga mua penā, e mafai o fakaosooso mai ke ‵foki tatou ki ‵tou olaga mua. E ‵lei atu ke mafau‵fau tatou ki fakamanuiaga e maua nei ne tatou kae ke ‵saga atu ki mea ‵gali e maua ne tatou i aso mai mua mai lalo i te pulega a te Malo!—2Ko 4:16-18.