A te loto malamalama e fakauiga ki te mafai ne koe o malamalama i mafaufauga, lagonaga, uiga, mo manakoga o nisi tino. E faigofie ke lavea ne nisi tino a te mea tenā kae se mea telā e fai ona ko te loto fiafia o fesoasoani atu. Kafai e fakaasi atu ne tatou te loto malamalama i te galuega talai, e fakaakoako eiloa tatou ki te alofa mo te atafai o Ieova, kae fai ei ke fakapili‵pili atu a tino ki a ia.—Fpi 2:4.

A te loto malamalama e se ko te apo i te akoako atu; kae se mea telā e fakaasi atu ne tatou mai te auala e faka‵logo kae fai‵pati ei tatou penā foki mo ‵tou faifaiga, ‵tou tāga, mo ‵tou foliga. E lavea te ‵tou loto malamalama māfai e fakaasi atu a te fiafia tonu ki te tino. E taumafai tatou ke iloa a mea e fiafia a ia ki ei, mea e talitonu ki ei, mo ana fakanofonofoga. E tuku atu ne tatou a fakamatalaga aoga mo te fesoasoani kae e se faimālō ne tatou ke ‵fuli a ia. Kafai e talia ne tino ke fesoasoani atu tatou, ka momea aka eiloa ne tatou te ‵tou fiafia i te galuega talai.

ONOONO KI TE VITIO KE MAUA TE FIAFIA I TE FAIGA O SOKO—MOMEA AKA TOU ATAMAI I TE—FAKAASI ATU O TE LOTO MALAMALAMA, KAE TALI A FESILI MAI LALO:

• Ne fakaasi atu pefea ne Neeta a te loto malamalama i te taimi ne talimuli ei a Jade?

• Ne fakaasi atu pefea ne Neeta a te loto malamalama i te taimi ne fai atu ei a Jade i a ia ko tō fakalavelave mā fai tena akoga?

• Ne fakaasi atu pefea ne Neeta te loto malamalama i te taimi ne fai atu a Jade me se ti fakatoka faka‵lei sāle ana mea?