A te Tusi Tapu e ‵fonu i fakaakoakoga o ‵talo a tino kolā ne tali ne Ieova. I te laveaga ne tavini a te Atua te auala ne fakalogologo a Ieova ki olotou fakatagi kae fesoasoani atu ki a latou, e mautinoa eiloa me ne fakamalosi aka ei olotou fakatuanaki. Tela la, se mea ‵lei ke fakaasi atu a mea i ‵tou loto i ‵tou ‵talo totino kae taumafai ke malamalama i te auala e tali mai ei a Ieova. Ke masaua me e mafai o ‵kese tena tali io me tali mai i se auala ne seki fakamoe‵moe tatou ki ei. (2Ko 12:7-9; Efe 3:20) Ne a mea e mafai o tuku mai ne Ieova e pelā me se tali ki ‵tou fakatagi?

• Te malosi i te feitu faka-te-foitino, mea tau lagonaga io me ko te feitu faka-te-agaga ke fakafesagai atu ki se fakalavelave.—Fpi 4:13

• Te poto ke fai se fakaikuga ‵lei.—Iak 1:5

• Te malosi mo te ‵mana ke fai se mea.—Fpi 2:13

• Te filemu o te mafaufau māfai e manava‵se tatou.—Fpi 4:6, 7

• Te fesoasoani i te feitu faka-te-foitino io me ko mea tau lagonaga mai nisi tino.—1Io 3:17, 18

• Fesoasoani mō latou kolā e ‵talo tatou ki ei. —Gal 12:5, 11

ONOONO KI TE VITIO KO TE A IEOVA KO TE “TINO E LAGONA NE IA A ‵TALO,” KAE KE TALI AKA A FESILI KONEI MAI LALO:

• E mafai pefea o fakamalosi mai a te tala o te Taina ko Shimizu māfai e se mafai ne tatou o fai a mea ona ko te fakamasaki‵saki?

• E mafai pefea o fakaakoako tatou ki te Taina ko Shimizu?