Iulai 29–Aokuso 4
SALAMO 69
Pese 13 mo te ‵Talo | Pati Kamata (1 minu.)
1. Mea ne ‵Tupu i te Olaga o Iesu Kolā ne ‵Valo Mai i te Salamo 69
(10 minu.)
Ne takalia‵lia a tino ki a Iesu e aunoa mo se pogai (Sal 69:4; Ioa 15:24, 25; w11 8/15 13 ¶17)
Ne loto finafinau a Iesu ki te fale o Ieova (Sal 69:9; Ioa 2:13-17; w10 12/1 10 ¶7-8)
Ne maua ne Iesu a lagonaga mafatia kae tuku atu foki ki a ia se uaina e palu tasi mo se mea ‵kona (Sal 69:20, 21; Mat 27:34; Luk 22:44; Ioa 19:34; g-E-95 10/22 31 ¶4; it-2 650)
KE MAFAUFAU ‵LOTO KI EI: Kaia ne aofia ne Ieova a valoaga e uiga ki te Mesia i Tusitusiga Epelu?
2. Taemani Faka-te-Agaga
(10 minu.)
-
Sal 69:30, 31—E fesoasoani mai pefea a fuaiupu konei ke momea aka te ‵lei o ‵tou ‵talo? (w99 1/15 18 ¶11)
-
Ne a taemani faka-te-agaga mai te faitauga ki te Tusi Tapu i te vaiaso nei e manako koe o fakaasi mai?
3. Faitauga ki te Tusi Tapu
(4 minu.) Sal 69:1-25 (th manatu 2)
4. Kufaki—Mea ne Fai ne Iesu
(7 minu.) Se sau‵talaga. Pei te VITIO, kae sau‵tala ki te lmd mataupu 8 manatu 1-2.
5. Kufaki—Fakaakoako ki a Iesu
(8 minu.) Se sau‵talaga e fakavae ki te lmd mataupu 8 manatu 3-5 mo te “Ke Onoono Foki ki te.”
Pese 134
6. Manakoga o te Fakapotopotoga
(5 minu.)
7. Fakatakitakiga mō Tapuakiga a Kāiga i Afiafi
(10 minu.) Se sau‵talaga.
I a Ianuali 2009, ne tuku fakatasi a te Akoga i Potukau, Akoga mō Tino Talai mo te Fakatasiga o te Galuega Talai ke fai i se fakatasiga e tasi i loto i te vaiaso. Ne fai ei ke maua ne kāiga se aso i vaiaso takitasi ke fai olotou tapuakiga a kāiga i afiafi. Ne fakaasi mai ne tino e tokouke a te lotou fia‵fia ki te fakatokaga teneime ne fai ei ke ‵pili te lotou va mo Ieova penā foki mo nisi tino i te kāiga.—Teu 6:6, 7.
Ne a nisi fakatakitakiga e fesoasoani atu ki ulu o kāiga ke mafai o fai ke iku manuia olotou Tapuakiga a Kāiga i afiafi?
-
Ke fai faeloa. Kafai e ‵lei, ke fakamautinoa se taimi mō tapuakiga a kāiga i vaiaso takitasi. Fakatoka foki se suā aso māfai e fakalavelave te aso tonu e fai ei te tapuakiga a kāiga
-
Fakatoka. Fai‵pati faka‵lei mo tau avaga, kae i nisi taimi e mafai foki o fesili ki manatu mai lua tama‵liki. E se manakogina ke uke ‵ki a mea e fakatoka ki ei, maise māfai e isi loa ne mea masani e fia‵fia sāle te kāiga o fai i vaiaso katoa
-
Fakamafulifuli te polokalame ke fetaui mo tou kāiga. I te taimi e gasolo aka ei a tama‵liki o ma‵tua, e mafuli‵fuli foki a olotou manakoga mo te lotou malamalama. E ‵tau o fesoasoani a te otou polokalame ki tino taki tokotasi i te kāiga ke ga‵solo ki mua i te feitu faka-te-agaga
-
Fakatumau te gali mo te fia‵fia o tino ki ei. I nisi taimi, e gali māfai e suke‵suke i tua o te fale māfai e ‵lei te aso. E mafai foki o ma‵nava malie i loto i te taimi e fai ei te tapuakiga. E tiga loa se mea ‵lei ke fai‵pati ki fakalavelave e fakafesagai mo tama‵liki, sa fakaaoga a te taimi o tapuakiga a kāiga ke kote io me polopoloki i ei a tama‵liki
-
Fai a mea kese‵kese. E pelā me se fakaakoakoga, e mafai o aofia ne koe a te fakatokaga ki se vaega o te fakatasiga telā ka fai, onoono kae sau‵tala ki se vitio i te jw.org, io me fakaakoako ki pati ke fai i te galuega talai. E tiga loa a te sau‵tala fakatasi se vaega tāua o Tapuakiga a Kāiga i afiafi, e mafai foki o aofia i ei te faiga o sukesukega totino
Sau‵tala ki te fesili tenei:
-
Ne taumafai pefea koe o fakagalue a fakatakitakiga konei i te otou tapuakiga a kāiga?
8. Sukesukega a te Fakapotopotoga ki te Tusi Tapu
(30 minu.) bt mata. 13 ¶8-16, pokisi i te itu. 105
