E ma‵nako malosi eiloa a mātua kolā e ma‵taku ki te Atua ke lavea atu a olotou tama‵liki e fai pelā me ne tavini fakamaoni a Ieova. E mafai o fesoasoani atu a mātua ke fai latou penā mai te faka‵goto ki loto o olotou tama‵liki a akoakoga mai te Tusi Tapu talu mai te taimi koi fo‵liki i ei. (Teu 6:7; Fat 22:6) E mata, e manakogina a galuega e uke? Ao! Kae ka iku manuia eiloa a taumafaiga katoa konā.—3Io 4.

E mafai ne mātua o tauloto a mea e uke mai i a Iosefa mo Malia. Ne “olo sāle [lāua] i tausaga takitasi ki Ielusalema ki te ‵kaiga fiafia o te Paseka,” e tiga eiloa ne manakogina i ei a taumafaiga mo tupe e uke. (Luk 2:41) E tonu, ne fakamuamua eiloa ne lāua a manakoga faka-te-agaga o te lā kāiga. I se auala tai ‵pau, e mafai eiloa ne mātua i aso nei o takitaki olotou tama‵liki i te auala tonu mai te fakaaoga ne latou so se avanoaga ke akoako olotou tama‵liki e auala i olotou pati mo fakaakoakoga.—Sal 127:3-5.

KE ONOONO KI TE VITIO NE FAKAAOGA NE LATOU A AVANOAGA KATOA, KAE TALI AKA A FESILI KONEI MAI LALO:

• Ne fakamuamua pefea ne Jon mo Sharon Schiller a manakoga o te Malo e tiga eiloa e tausi atu foki lāua ki te lā kāiga?

• Kaia e ‵tau ei mo mātua o akoako, takitaki kae fakatonu‵tonu a olotou tamaliki taki tokotasi i auala kese‵kese?

• E mafai pefea ne mātua o fakatoka olotou tama‵liki ke fakafesagai atu ki tofotofoga o olotou fakatuanaki?

• Ne a mea faigaluega kolā ne fakatoka mai ne te fakapotopotoga a Ieova ne fakaaoga ne koe ke fesoasoani atu ki au tama‵liki ke ma‵tua ‵lei i te feitu faka-te-agaga?