Ne tuku mai ne Iesu se fakaakoakoga gali ke tau‵tali tatou ki ei, maise eiloa māfai e fe‵paki tatou mo fakalavelave io me ko fakasauaga. (1Pe 2:21-23) E tiga eiloa ne fakasauagina a Iesu, ne seki taui ma sui atu ne ia, faitalia loa tena logo‵mae malosi. (Mko 15:29-32) Se a te mea ne fesoasoani atu ke kufaki a ia? Ne fakaiku aka ne ia ke fai te loto o Ieova. (Ioa 6:38) Ne saga tonu atu foki a ia ki te “fiafia telā i ana mua.”—Epe 12:2.

E ‵saga atu pefea tatou māfai ko fakasauagina tatou ona ko ‵tou fakatuanaki? A Kelisiano ‵tonu e se “taui atu te masei ki te masei.” (Lom 12:14, 17) Kafai e fakaakoako tatou ki te auala ne kufaki ei a Keliso i logo‵maega, e mafai eiloa o fia‵fia tatou me ko maua ne tatou a te taliaga a te Atua.—Mat 5:10-12; 1Pe 4:12-14.

KE ONOONO KI TE VITIO A TE IGOA O IEOVA E TĀUA ‵KI, KAE KE TALI AKA A FESILI KONEI MAI LALO:

• I te auala fea ne fakaaoga faka‵lei ei ne te tuagane ko Potzinger * ana taimi i loto i se falepuipui e tasi?

• Ne a logo‵maega ne kufaki ne te taina ko Potzinger mo tena avaga i te taimi ne ‵nofo atu ei lāua i nāi falepuipui fakasaua?

• Ne a mea ne fesoasoani atu ke kufaki lāua?