I te ‵tou fakapotopotoga e maua ne tatou a taina mo tuagane kolā ne tavini ki a Ieova i tausaga e uke. E mafai o tauloto ne tatou mai i a latou a te auala ne fakalago‵lago latou ki a Ieova. E mafai o fesili atu ki a latou e uiga ki tala fakasolopito o te fakapotopotoga a Ieova mo fakalavelave ne fe‵paki mo latou, mo te auala ne fesoasoani atu a Ieova ke manumalo i fakalavelave konā. E mafai o ‵kami ne tatou se tokotasi mai tino ma‵tua konei ke fai mai ana tala i se Tapuakiga a Kāiga i afiafi.

Kafai koe se Kelisiano atamai, ke fakaasi atu ki Kelisiano talavou a te auala ne fesoasoani atu a Ieova ki a koe. Ne fakaasi ne Iakopo mo Iosefa ki la tama‵liki mo kāiga a mea ne fai ne Ieova mō lāua. (Ken 48:21, 22; 50:24, 25) Fakamuli ifo ne manako foki a Ieova ke akoako ne ulu o kāiga a olotou tama‵liki e uiga ki ana faifaiga mo tena malosi. (Teu 4:9, 10; Sal 78:4-7) I aso nei, e mafai o fakamatala ne mātua mo nisi tino i te fakapotopotoga ki tupulaga fo‵liki a mea ‵gali kae fakaofoofogia ne fai ne Ieova e auala i tena fakapotopotoga.

KE ONOONO KI TE VITIO NE TUMAU I TE ‵KAU FAKATASI FAITALIA A FAKATAPUTAPUGA, KO TALI EI A FESILI KONEI:

• Ne fesoasoani pefea te ofisa lagolago i Austria ki ‵tou taina i nisi fenua kolā ne fakatapu te ‵tou galuega i ei?

• Ne a mea ne fai ne taina i fenua konei ke fakatumau te malosi o te lotou fakatuanaki?

• Kaia ne tiaki ne tino talai e tokouke a te fakapotopotoga a Ieova i Romania, kae ne ‵toe foki atu pefea latou?

• E fakamalosi aka pefea ne tala konei a tou fakatuanaki?