E manako a Ieova ko kāiga ke fia‵fia. (Sal 127:3-5; Fai 9:9; 11:9) Kae e mafai o galo atu te ‵tou fia‵fia ona ko fakalavelave i te lalolagi tenei mo mea ‵se e fai ne tino i te kāiga. Ne a mea e mafai o fai ne tino taki tokotasi i te kāiga ke maua te fiafia?

E ‵tau mo tāgata a‵vaga o fakaasi atu te āva ki olotou avaga. (1Pe 3:7) Ke fakamāumāu ne ia a taimi fakatasi mo tou fafine. E lotomalie a ia ki mea e mafai ne tena avaga o fai kae fakaasi atu foki ne ia te loto fakafetai ki mea e fai atu ne tou fafine e penā foki ki te kāiga. (Kol 3:15) E fakaasi atu ne ia tena alofa kae tavae ne ia tou fafine.—Fat 31:28, 31.

E onoono te fafine avaga ki auala ke ‵lago atu ki tena avaga. (Fat 31:12) E fakalogo a ia ki tena avaga kae ga‵lue fakatasi mo tou tagata. (Kol 3:18) E faipati tou fafine mo te atafai ki tena avaga kae penā foki ki mea e uiga ki tou tagata.—Fat 31:26.

E fakamāumāu ne mātua a taimi mo olotou tama‵liki. (Teu 6:6, 7) E fakaasi atu ne lāua ki lā tama‵liki me a‵lofa lāua ki a latou. (Mat3:17) Kafai e tuku atu a pati polopoloki, e fakaasi atu ne lāua te alofa mo te malamalama.—Efe 6:4.

E āva kae faka‵logo a tama‵liki ki olotou mātua. (Fat 23:22) E fakaasi ne latou a olotou lagonaga mo mafaufauga ki olotou mātua. E talia ne latou a polopolokiga mai i olotou mātua kae fakaasi atu ne latou te āva.—Fat 19:20.

ONOONO KI TE VITIO ATI AKA TE FIAFIA I OTOU KĀIGA, KAE TALI TE FESILI TENEI:

Ne a mea ne fai ne tino taki tokotasi ke ati aka te fiafia i te kāiga?