E Fakaasi Atu ne te Tagata Fakamaoni ko Iopu Tena Fanoanoa
Ne vāivāi, fanoanoa, kae masaki malosi a Iopu, kae ne tumau eiloa i te fakamaoni. Tela la, ne taumafai a Satani ke fakaaoga a te loto vāivāi ke fakamasei aka te loto fakamaoni o Iopu. Ne oko atu a “taugasoa” e tokotolu. Muamua la, ne faipati fakaalofalofa atu latou. Oti aka loa, ne saga‵saga filemu latou mo Iopu i aso e fitu, e aunoa mo se pati fakamafanafana e tasi. Kae ne ‵soko atu ki ei a te ‵losi atu mo pati ‵mafa.
Ne fakatumau eiloa ne Iopu tena alofa tumau ki a Ieova faitalia a ‵losiga ‵se
-
A te loto mafatia lasi ne fai ei a Iopu ke maua ne ia se kilokiloga ‵se. Ne fakaiku ‵se aka ne ia me ne seki tāua ki te Atua māfai e tumau a ia i te fakamaoni
-
Ona ko te loto vāivāi, ne seki mafaufau ei a Iopu ki nisi pogai o ana logo‵maega
-
E tiga eiloa ne logo‵mae malosi a ia i te loto mafatia, ne faipati atu faeloa a ia ki ana tino fakamafanafana ‵se e uiga ki tena alofa ki a Ieova