A te polosiua ko te Ko Oi e Fai ne Latou te Loto o Ieova i Aso Nei? ne fakatoka ke sau‵tala ki ei te tino akoga i te kamataga io me ko te fakaotiga o akoga taki tasi. * A mataupu 1 ki te 4 e fakamasani ei te tino akoga ke iloa ne ia me ko Molimau a Ieova ne vaegā tino pefea, mataupu e 5 ki te 14 e fesoasoani atu ke iloa ne latou a mea e aofia i te faiga o ‵tou galuega, kae ko mataupu 15 ki te 28 e fakaasi atu ei ki a latou te auala e fakateletele ei ‵tou fakapotopotoga. Kae se mea ‵lei ke tau‵tali eiloa i te fakasologa o mataupu vagana fua e isi se mataupu e manako malosi te tino akoga ke sau‵tala ki ei. A mataupu takitasi e tasi fua te itulau i ei kae ne mafai o sau‵tala ki ei mo tino a‵koga e tokouke i se lima ki te sefulu minute te leva.

• Faka‵mafa atu te fesili telā ko te ulutala o te mataupu

• Fai‵tau fakatasi koulua ki te mataupu, e mafai o faitau te mataupu kātoa io me i vaega

• Sau‵tala ki mea ne fatoa fai‵tau koulua ki ei. Ke fakaaoga a fesili i te fakaotiga o te itulau penā foki mo ata. Ke fai‵tau kae sau‵tala ki tusi fai‵tau kolā e ‵siki mai. Fakaasi atu i ulutala fo‵liki kolā e ‵tau malosi, ko tali ki te fesili telā e fakaulutala ki ei te mataupu

• Kafai e isi se pokisi e fakaulutala penei “Ke Uke Atu Au Mea e Iloa”, ke fai‵tau ne koulua ko fakamalosi atu ei ki tau tino akoga ke tautali ki manatu konā e fakaasi atu