• Fakaaoga tou fakatuatusi totino. Kafai e mafaufau koe me e sē se mea poto ke tuku atu tou fakatuatusi totino, e mafai o fakaaoga ne koe te fakatuatusi o te Fale Tapuaki māfai e talia ne toeaina ke fai penā. Kae masaua, E SE ‵TAU o fakaaoga ne koe te fakatuatusi o te ofisa lagolago e pelā me ko tou fakatuatusi totino.

• Fakaaoga te igoa o te tino māfai e iloa ne koe. Ko te mea ke se mafaufau te tino tenā me se tusi fakapisinisi.

• Ke onoono faka‵lei ke ‵sao a faka‵tuga o mataimanu, ke ‵tagi ‵lei, kae fakaaoga foki a manavaga. A te tusi e ‵tau o mata ‵mā kae se numinumi. Kafai e tusilima, e ‵tau o tusi ke faigofie o faitau. A pati o te tusi e se ‵tau o fai valevale kae ‵tagi e pelā me se tusi ki tou taugasoa.

E fakaasi mai i te tusi fesoasoani a manatu kolā e ‵tau o faka‵mafa atu ne koe. E se ‵tau o ‵kopi a pati takitasi māfai e tusi atu koe ki tino kese‵kese i tou koga talai. Tusi tau tusi ke fakafetaui mo te manakoga, tuu mo fakanofonofoga i tou koga talai.