Ne fakatakavale ne Tavita a Koliata me ne fakalagolago a ia ki a Ieova. (1Sa 17:45) E manako a Ieova o fakaasi atu tena malosi mō ana tavini katoa. (2No 16:9) E mafai pefea o fakalago‵lago tatou ki te fesoasoani o Ieova i lō ‵tou atamai mo ‵tou iloa? Konei lā a auala e tolu:

• ‵Talo faeloa. ‵Talo atu e se mō se fakamagaloga fua māfai ko oti ne fai ne koe se mea ‵se, kae ‵talo atu foki mō te malosi māfai ko fakafesagai atu ki se tofotofoga. (Mat 6:12, 13) Ke sē ‵talo atu fua mō te fakamanuiaga a Ieova ki fakaikuga kolā ko oti ne fai, kae ‵talo foki mō tena takitakiga mo te poto koi tuai o fai a fakaikuga.—Iak 1:5

• Ke fai se polokalame ke faitau ki te Tusi Tapu kae fai a sukesukega. Faitau te Tusi Tapu i aso katoa. (Sal 1:2) Mafaufau ‵loto ki fakaakoakoga i te Tusi Tapu, kae fakagalue aka a akoakoga ne tauloto mai ei. (Iak 1:23-25) Fakatoka mō te galuega talai i lō te fakalagolago ki mea ne fai ne koe i aso ko ‵teka. Ke maua katoatoa a mea aoga mai fakatasiga a te fakapotopotoga mai te fakatoka mai mua

• Ke ‵kau fakatasi mo te fakapotopotoga a Ieova. Fai ke iloa ne koe a fakatakitakiga mai te fakapotopotoga saukātoa, kae gasue fakavave o tautali ki ei. (Num 9:17) Fakalogo ki toeaina māfai e tuku atu ne latou a pati fakatonutonu mo fakatonuga.—Epe 13:17

ONOONO KI TE VITIO KO TE SEAI SE POGAI KE MA‵TAKU KI FAKASAUAGA, KAE TALI AKA A FESILI KONEI MAI LALO:

• Ne a mea fakama‵taku ne fakafesagai mo taina mo tuagane?

• Ne a mea ne fesoasoani atu ki a latou ke kufaki i te mataku?