E fa ‵tou vitio o akoga faka-te-Tusi Tapu ke fakaaoga i te galuega talai. Se a te pogai ne fakatoka i ei a vitio konei?

• Kaia e ‵Tau ei o Sukesuke ki te Tusi Tapu?​—te Vitio Kātoa ne fakatoka ke fakamalosi aka ei a tino ke fiafia ki Tusi Tapu faitalia me ne a olotou talitonuga. E fakamalosi i ei a tino ke ‵sala atu ki te Tusi Tapu ki tali o fesili tāua i te olaga kae tuku mai i ei a fakamatalaga māea. E fakamatala mai i ei te auala ke fai se akoga faka-te-Tusi Tapu

• Kaia e ‵Tau ei o Sukesuke ki te Tusi Tapu? (vitio toetoe) e tai ‵pau mo te vitio  kātoa kae tai toetoe mālie. E mafai o aoga malosi māfai a tino e se lava olotou taimi ke sau‵tala.

• Ne a Mea e Fai i se Akoga Faka-te-Tusi Tapu? ne fakatoka ke fakamalosi aka ei a tino ke fia‵fia ki ‵tou polokalame o akoga faka-te-Tusi Tapu se ‵togi kae ke tali aka a fesili masani e uiga ki ei, e aofia i ei te faiga o se akoga faka-te-Tusi Tapu.

• Gali ‵ki me ko Fai Tau Akoga ne fakatoka ke fakaasi atu ki tino a‵koga. E tiga e sae mai te vitio i te itulau e lua o te tusi Ke Ola ki te Se-Gata-Mai!, e mafai o fakaasi atu i te taimi e sau‵tala i ei ki te polosiua ko te Ke Ola ki te Se-Gata-Mai!. E fakaasi mai i te vitio a manatu tāua o te tusi mo mea e mafai o mafaufau ki ei te tino akoga i taimi o te sau‵talaga.

Kae tiga ne fakatoka a vitio takitasi mō pogai konā, e mafai o fakaasi io me avatu ne tatou i te neti i so se taimi māfai e fia‵fia a tino. E fakamalosi aka a tino talai ke iloa ‵lei kae fakaaoga faka‵lei foki ne latou a vitio konā i te galuega talai.