Mati 4-10
SALAMO 16-17
Pese 111 mo te ‵Talo | Pati Kamata (1 minu.)
1. “Ieova, te Pogai o Toku Aga‵lei”
(10 minu.)
A te fai taugasoa ki tino kolā e tavini ki a Ieova e maua mai ei te fiafia (Sal 16:2, 3; w18.12 26 ¶11)
E maua ne tatou fiafia māfai e talia ne Ieova ke taugasoa tatou mo ia (Sal 16:5, 6; w14 2/15 29 ¶4)
A te puipuiga a Ieova i te feitu faka-te-agaga e fai ei ke tokagamalie tatou (Sal 16:8, 9; w08 2/1 9 ¶2-3)
E pelā mo Tavita, e maua ne tatou se olaga aoga ona ko te fakatāua te tapuakiga a Ieova, te Pogai o te ‵tou Aga‵lei.
FESILI IFO KI A KOE, ‘I auala fea e ‵lei atu toku olaga nei i toku olaga mai mua o vau ki te munatonu?’
2. Taemani Faka-te-Agaga
(10 minu.)
-
Sal 17:8—Se a te mea e fakauiga ki ei a te pati te “mea uli o tou ‵kano mata”? (it-2 714)
-
Ne a taemani faka-te-agaga mai te faitauga ki te Tusi Tapu i te vaiaso tenei e manako koe o fakaasi mai?
3. Faitauga ki te Tusi Tapu
(4 minu.) Sal 17:1-15 (th manatu 5)
4. Kamataga o se Sau‵talaga
(1 minu.) FALE KI FALE. Ofo atu te pepa ‵kami o te Fakamanatuga. (th manatu 11)
5. Kamataga o se Sau‵talaga
(3 minu.) FALE KI FALE. Ofo atu te pepa ‵kami o te Fakamanatuga. Kafai a te tino e fiafia, fakaasi kae sau‵tala ki te vitio Masaua te Mate o Iesu. (th manatu 9)
6. Kamataga o se Sau‵talaga
(2 minu.) TALAI I SO SE TAIMI. Ofo atu te pepa ‵kami o te fakamanatuga. (th manatu 2)
7. Te Faiga o Soko
(5 minu.) lff mataupu 14 fakatomuaga mo manatu 1-3 (th manatu 6)
Pese 20
8. E Fakatoka Pefea Tatou ki te Fakamanatuga?
(15 minu.) Sau‵talaga.
Ona ko te ‵tou faka‵logo ki te fakatonuga a Iesu, i te Aso Sa, Mati 24, ka fakamanatu ne tatou te mate o Iesu, telā e aofia i ei a toe alofa sili e lua kolā ne fakaasi mai i tala fakasolopito. (Luk 22:19; Ioa 3:16; 15:13) E mafai pefea o fakatoka tatou ki te fakatasiga fakapito tenei?
-
Ke kau atu mo te loto finafinau ki te galuega fakapito, ke ‵kami mai a tino ki te lāuga fakapito mo te Fakamanatuga. Fai se fakasologa o tino, kae ‵kami mai latou. Kafai se tino e se nofo i tau koga talai, onoono ki te jw.org ke maua a taimi mo te koga e fai ei a fakatasiga i te olotou koga
-
I te masina o Mati mo Apelila, ke fakauke aka au mea e fai i te galuega talai. E mata, e mafai o paenia lagolago koe ki se 15 io me se 30 itula?
-
I a Mati 18, ke kamata o mafaufau ki mea ‵tāua ne ‵tupu i te vaiaso fakaoti o te olaga o Iesu i te lalolagi nei. E mafai ne koe o fakaiku aka a te uke o au mea e faitau i aso taki tasi mai i te “Fakasologa o te Faitauga ki te Tusi Tapu o te Fakamanatuga 2024” i te itulau e 6-7
-
I te aso o te Fakamanatuga, ke onoono ki te polokalame o te Tapuakiga i te Taeao i luga i te jw.org
-
I te Fakamanatuga, ke ‵kami mai mo te fia‵fia a tino ‵fou mo tino ko leva ne seki kau mai ki te fakapotopotoga. Ke loto fiafia o tali olotou fesili māfai ko oti te fakamanatuga. Ke fakatoka se taimi ke mafai o āsi atu ki tino ne ‵kau mai ke mafai o tauloto ki mea e uke atu
-
Ke mafaufau ‵loto ki te togiola, mai mua kae mai tua foki o te Fakamanatuga
Pei te VITIO Masaua te Mate o Iesu. Ko fesili atu ei ki te kautaina:
E fakaaoga pefea ne tatou te vitio tenei i te galuega fakapito o te Fakamanatuga?
9. Sukesukega a te Fakapotopotoga ki te Tusi Tapu
(30 minu.) bt mata. 6 ¶18-24, pokisi i te itu. 48
