9:1-7

Mafaufau ki lagonaga o Iesu i te taimi ne lagona ne ia te leo o tena Tamana e faipati mai te lagi i te taimi ne ‵fuli ei ana foliga me ko oti ne talia ne Ia a ia. E seai se fakalotolotolua me ne fakamalosi atu ki a Iesu a pati konā ona me ka fepaki a ia mo se logo‵maega. A te fakaasiga tenā ne fakamalosi atu foki ki a Petelu, Iakopo, mo Ioane. Ao, ko Iesu eiloa te Mesia, kae ne ‵tau eiloa o faka‵logo latou ki a ia. Mai tua o se 32 tausaga, koi masaua eiloa ne Petelu a mea ne ‵tupu kae ne fakamalosi “ne muna fakavaloaga” konā a tena fakatuanaki.—2Pe 1:16-19.

E tiga eiloa ne seki lavea ne tatou a te fakaasiga fakaofoofogia tenā, kae e talai atu ne tatou a tena fakataunuga. Ko pule mai a Iesu e pelā me se Tupu malosi. Ko pili nei o “fakaoti tena manumalo” telā e ‵tala mai i ei a te auala ki te lalolagi fou kae amiotonu.—Fks 6:2.

E fakamalosi aka pefea tou fakatuanaki mai te lavea atu a te fakataunuga o valoaga faka-te-Tusi Tapu?