Ke fakafiafia te Atua, e ‵tau o ati aka ne tino a‵koga ki te Tusi Tapu se fakatuanaki malosi. (Epe 11:6) E mafai o fesoasoani atu tatou ki a latou mai te fakaaogaga o te tusi Ke Ola ki te Se-Gata-Mai! E fakamatala mai i te tusi akoga tenei a tusi fai‵tau tāua, manatu kolā e fakamatala faka‵lei, fesili ma‵goi, vitio fakamalosi loto, mo ata ‵lomi ‵gali. Mai te fesoasoani atu ki tino a‵koga ke ati aka a uiga faka-Kelisiano mo se fesokotakiga mo te Atua, e faite ne tatou a mea kolā e se ‵ka i te afi.—1Ko 3:12-15.

E faigata ke fakaataata ne nisi tino a latou e fai taugasoa mo te Atua, telā e se mafai o lavea ne latou. Tela la, e ‵tau o fesoasoani atu tatou ke ati aka ne latou te fakatuanaki ki a Ieova, te Atua alofa.

ONOONO KI TE VITIO ATI AKA TE FAKATUANAKI KI A IEOVA, E AUALA I TE “KE OLA KI TE SE-GATA-MAI!” KAE TALI AKA A FESILI KONEI MAI LALO:

• E iloa pefea ne tatou me ne fakatoka faka‵lei a te tuagane ki te akoga?

• Ne fakaaoga pefea ne ia a fesili fakaopoopo kolā ko oti fakatoka ne ia ke fesoasoani ki te tino akoga ke fakaasi mai ana manatu mo lagonaga ki te Isaia 41:10, 13?

• Ne a aoga o te vitio mo fuaiupu i te Tusi Tapu ki te tino akoga?

E tokouke a tino e se malamalama i te togiola, io me e se ‵kilo atu latou ki ei e pelā me se meaalofa totino a te Atua ki a latou. (Kal 2:20) Tela la, e ‵tau o fesoasoani atu tatou ke ati aka ne latou te fakatuanaki ki te taulaga togiola a Iesu.

ONOONO KI TE VITIO ATI AKA TE FAKATUANAKI KI A IESU E AUALA I TE “KE OLA KI TE SE-GATA-MAI!” KAE TALI AKA A FESILI KONEI MAI LALO:

• E iloa pefea ne tatou me ne fakatoka faka‵lei a te taina ki te akoga?

• Ne fakafetaui aka pefea ne ia a manatu i te vaega ko te “Nisi Fakamatalaga” ke fesoasoani atu ki te tino akoga?

• Kaia e tāua ei ke ‵talo mō tau tino akoga?