KE OLA E PELĀ ME NE KELISIANO
Ieova ko te “Tamana o Tama‵liki e Seai ne Tamana”
I tausaga takitasi, e tokouke talavou e filifili aka ke fai latou mo taugasoa o Ieova. (Sal 110:3) E atafai malosi a Ieova ki a koutou taki tokotasi. E malamalama a ia i mea faiga‵ta e fepaki mo koe kae tauto mai me ka fesoasoani atu ki a koe ke tavini atu ki a ia. Kafai ne puti aka koe i loto i se fale e tokotasi te mātua, ke masaua me ia Ieova ko te “tamana o tamaliki e seai ne tamana.” (Sal 68:5) Mai akoakoga a Ieova, ka mafai eiloa o manuia koe faitalia tou fakanofonofoga i te fale.—1Pe 5:10.
KE ONOONO KI TE VITIO TINO KOLĀ NE MANUIA I TE LOTOU TAUA ATU ONA KO TE FAKATUANAKI—LATOU KOLĀ NE PUTI AKA NE SE MĀTUA E TOKOTASI, KAE TALI AKA FESILI MAI LALO:
-
Se a te mea e tauloto ne koe mai te fakaakoakoga a Tammy, Charles, mo Jimmy?
-
Se a te fesoasoani mō latou kolā ne puti aka ne mātua taki tokotasi e maua i te Salamo 27:10?
