I aso koi talavou ei, e faigofie ke mafaufau me ka tumau faeloa tou olaga talavou kae ka se pokotia koe i “aso o te puapuaga” kolā e ‵mai tasi mo te olaga matua i te lalolagi a Satani. (Fai 12:1) Kafai koe se talavou, e mata, e mafaufau koe me koi uke ou taimi ke kausaki atu ki fakamoemoega faka-te-agaga e pelā mo te taviniga tumau?

A “fakalavelave mo mea ‵tupu fakafuasei” e ‵tupu ki tino katoa, e aofia ei a talavou. (Fai 9:11, NW) “E se iloa ne koutou te mea ka tupu ki otou ola ma taeao.” (Iak 4:14) Tela la, ke se fakatalave i te kausaki atu ki ou fakamoemoega faka-te-agaga ona ko mea sē aoga. Ke ulu atu i te “mataloa o galuega e uke ‵ki” koi maua se avanoaga. (1Ko 16:9) Ka sē salamō eiloa a koe i ei.

• Talai atu i se ‵gana fou

• Galuega fakapaenia

• Kau ki akoga mō tino talai

• Matagaluega fakatu‵tu

• Galue i te Peteli

• Galuega a te seketi