A te aoga o te meaalofa a te fafine ko mate tena avaga e sē lava ke ‵togi ki ei ne mu meakai ki se ‵kaiga foliki. (Ke onoono ki manatu mō sukesukega i te Luka 21:4.) E tiga i ei, e fakaasi mai ne tena meaalofa a te lasi o tena alofa mo tena loto fakafetai ki te tapuakiga a Ieova. Tena eiloa te pogai e fakatāua ne tena tamana i te lagi a tena meaalofa.—Mko 12:43.

KE ONOONO KI TE VITIO KO TE ‘SE MEAALOFA I TOU LIMA KI A IEOVA,’ KO TALI I EI A FESILI KONEI:

• Ne a nisi mea kolā ne ‵lago atu ki ei a ‵tou meaalofa?

• Kaia e tāua i ei a ‵tou meaalofa faitalia te foliki o te aofaki e tuku atu ne tatou?

• E mafai pefea o tauloto tatou ki auala kese‵kese e fai i ei a meaalofa i te koga telā e ‵nofo i ei tatou?—Onoono ki te pokisi “ Ke Tauloto ki Mea e Uke Atu i te Itaneti”