Ne fakaasi atu ne te fakapotopotoga i Tesalonia a te alofa ki taina Kelisiano faitalia a mea faiga‵ta. (2Te 1:3, 4) I aso nei, e fakaasi atu foki ne tino o Ieova a te alofa tenā ki te kautaina i te lalolagi kātoa. E fakamatala mai i te fakasologa o mataupu i te jw.org ko te “How Your Donations Are Used”, a auala kolā ne fesoasoani atu ei a otou meaalofa ki taina i taimi faiga‵ta konei. E fakamālō atu matou ona ko te otou a‵lofa mo te kaima‵lie o ‵lago mai.

KE ONOONO KI TE VITIO E FAKAFETAI FAELOA MATOU KI TE ATUA MŌ KOE,” KAE TALI A FESILI KONEI MAI LALO:

• Ne a nisi galuega kolā ne ‵lago atu ki ei ‵tou meaalofa?

• Se a te ‵toe auala ‵lei ke ‵lago atu tatou i feitu tau sene ki ‵tou taina mo tuagane kolā e ma‵nako ki se fesoasoani?—Onoono ki te mataupu i te jw.org “Surplus Offsets a Deficiency”