A ‵talo kolā e talia e fai pelā me ne mea manogi ‵gali kolā ne ‵ka faeloa i mua o Ieova i te faletapu. (Sal 141:2) Kafai e fakaasi atu ne tatou ki te ‵tou Tamana faka-te-lagi a te ‵tou a‵lofa mo te loto fakafetai ki a ia, fai atu ‵tou manavasega mo manakoga, kae akai atu mō tena takitakiga, e fakaasi atu ei me e fakatāua ne tatou a te ‵tou vā fakataugasoa mo ia. E tonu, e kilo mai a Ieova ki ‵talo toe‵toe kolā e fai i mua o tino i taimi o fakatasiga e pelā me se vaega tāua o ‵tou tapuakiga. Kae se mea fakafiafia eiloa ki a Ieova māfai e ‵tala ‵tou loto ki a ia i ‵tou ‵talo totino kae fai‵pati atu ki a ia mō se taimi leva!—Fat 15:8.

ONOONO KI TE VITIO KO TE NE FAKAVAE TOKU OLAGA KI TE ‵TALO, KAE KE TALI AKA A FESILI KONEI MAI LALO:

• Ne a tauliaga ne maua ne te taina ko Johnson ?

• Ne fakalagolago pefea a te taina ko Johnson ki a Ieova i ‵talo?

• Ne a akoakoga ne tauloto ne koe mai te tala o te taina ko Johnson?