KOLOA MAI TE MUNA A TE ATUA | FAATAOTO 1-6
“Talitonu ki te Aliki [Ieova] mo Tou Loto Kātoa”
E ‵tau o fakaasi atu ne tatou a te talitonu katoatoa ki a Ieova. E fakamalosi aka ne te uiga o tena igoa a te ‵tou loto tali‵tonu ki te mafai ne ia o fakataunu ana folafolaga katoa. A te ‵talo se vaega tāua ke ati aka ei a te talitonu ki a ia. E fakatalitonu mai a te Faataoto mataupu e 3 me ka taui ne Ieova a ‵tou loto tali‵tonu ki a ia mai te ‘fakaasi mai ne ia ki a tatou te auala tonu.’
A te tino telā e mafaufau i a ia e poto . . .
-
e fai ana fakaikuga e aunoa mo te fakamolemole muamua atu mō te takitakiga a Ieova
-
e talitonu ki ana mafaufauga totino io me ko mafaufauga o te lalolagi
A te tino tela e talitonu ki a Ieova . . .
-
e ati aka ne ia se fesokotakiga ‵pili mo Ia e auala i te sukesuke ki te Tusi Tapu, mafaufau ‵loto, kae ‵talo atu
-
e ‵sala atu ki tena takitakiga mai te tautali atu ki fakatakitakiga mai te Tusi Tapu māfai ko fai ana fakaikuga
|
MUAMUA: E filifili ne au a te mea telā e mafaufau au ki ei me ko te ‵toe auala poto |
TE LUA: E fakamolemole au ki a Ieova ke fakamanuia aku fakaikuga |
|
MUAMUA: E ‵sala atu au ki te takitakiga a Ieova e auala i se ‵talo mo sukesukega totino |
TE LUA: E filifili ne au se auala telā e fetaui ‵lei mo fakatakitakiga mai te Tusi Tapu |
