Ne a uiga e manako koe ke isi i tou taugasoa? Kāti e gali ki a koe te fakamaoni, te atafai, mo te kaimalie. E isi katoa i a Ieova a uiga konā. (Eso 34:6; Gal 14:17) E fakalogologo a ia māfai e ‵talo atu koe. E tuku mai ne ia te fesoasoani māfai e manako koe ki ei. (Sal 18:19, 35) E fakamagalo ne ia au agasala. (1Io 1:9) A Ieova se Taugasoa gali!

E mafai pefea o fai koe mo fai se taugasoa o Ieova? Tauloto ki mea e uiga ki a ia mai te faitau ki tena Muna. Fakaasi atu a mea i tou loto ki a ia mo te loto talitonu. (Sal 62:8; 142:2) Fakaasi atu me fakatāua ne koe a mea kolā e tāua ki a Ieova, e pelā mo tena Tama, tena Malo, mo ana folafolaga mō aso mai mua. Fakailoa atu ki nisi tino a mea e uiga ki a ia. (Teu 32:3) Kafai e ati aka ne koe se va fakataugasoa ‵pili mo Ieova, ka fai eiloa a ia mo fai tou Taugasoa ki te se-gata-mai.—Sal 73:25, 26, 28.

KE ONOONO KI TE VITIO KO TE TALAVOU—“‵TOFO AKA KAE KA LAVEA ATU A TE ‵LEI O IEOVA,” KO TALI EI A FESILI KONEI:

• E mafai pefea o fakatoka koe ki tau tukuatuga mo te papatisoga?

• E mafai pefea o fesoasoani atu a nisi tino i te fakapotopotoga ke tavini koe ki a Ieova?

• E fakamalosi aka pefea ne te galuega talai a tou va fakataugasoa mo Ieova?

• Ne a tauliaga i te taviniga e mafai o kausaki koe ki ei?

• Ne a mea e loto fakafetai koe ki ei e uiga ki a Ieova?