E isi se tauliaga fakapito o Molimau a Ieova. E pelā me ne Kelisiano tukugina atu kae papatiso, e ati aka faeloa ne tatou se fesokotakiga totino kae pili mo te Aliki Sili ko Ieova. Ne ‵taki mai ne ia tatou ki a ia e auala i tena Tama. (Ioa 6:44) E fakalogologo a ia ki ‵tou ‵talo.—Sal 34:15.

E mafai pefea o puipui ne tatou a te ‵tou fesokotakiga tāua mo te Atua? Te auala e tasi, ko te kalo kea‵tea tatou mai mea ‵se ne fai ne tino Isalaelu. Mai tua malie o te faiga ne latou se feagaiga i te va o latou mo Ieova, ne faite ne latou se pulumakau aulo kae ne fai ei latou e pelā me ne tino ifo ki tupua. (Eso 32:7, 8; 1Ko 10:7, 11, 14) E mafai o fesili ifo tatou penei: ‘Ne a aku mea e fai māfai ko fe‵paki mo tofotofoga? E mata, e fakaasi atu ne aku faifaiga me fakatāua ne au toku fesokotakiga mo Ieova?’ A te ‵poko o te ‵tou a‵lofa ki te ‵tou Tamana i te lagi ka fesoasoani mai ke ‵kalo kea‵tea tatou mai mea kolā e takalialia a ia ki ei.—Sal 97:10.

ONOONO KI TE VITIO KO TE  PUIPUI TOU FESOKOTAKIGA MO IEOVA (KO 3:5), KO TALI EI A FESILI KONEI:

• Se a te kaimanako?

• Kaia e ‵tau o ‵teke atu ei tatou ki te kaimanako mo te ifo ki tupua?

• Se a te sokoga i te mulilua mo te ifo ki tupua?

• Kaia e ‵tau ei mo tino, kae maise ko latou kolā e isi ne olotou tauliaga o tausi faka‵lei ki manakoga o olotou avaga?