Lasi te Faipati: Ke mo a e mafaufau me e ‵tau o fakamatala atu ne koe a mea katoa. Ne fakaaoga ne Iesu a fesili ke fesoasoani atu ki tino ke mafau‵fau kae ke maua ne latou a te manatu tonu. (Mat 17:24-27) E fai ne fesili ke gali kae olaola te faiga o te akoga kae fesoasoani atu ke iloa ne koe a mea kolā e malamalama kae talitonu ki ei tau tino akoga. (be-E 253 ¶3-4) Kafai e ‵sili atu ne koe se fesili, ke kufaki kae faka‵tali ki se tali. Kafai e ‵se te tali a te tino akoga, i lō te fakaasi atu ki a ia a te tali tonu, fai ne fesili fakaopoopo ko te mea ke mafai o maua ne ia te tali tonu i te fakaotiga. (be-E 238 ¶1-2) Faipati atu i se tulaga telā e faigofie ki te tino akoga ke malamalama i manatu ‵fou.—be-E 230 ¶4.

Faka‵numi: Ke ‵kalo keatea mai te tofotofoga ke fakamatala atu katoa e mea e iloa ne koe i te mataupu. (Io 16:12) Saga atu fua ki te manatu tāua i te palakalafa. (be-E 226 ¶4-5) E mafai o galo a te manatu tāua māfai e fakamatala likiliki ne koe a manatu katoa. (be-E 235 ¶3) Kafai ko malamalama te tino akoga i te manatu tāua, ke fano ki te suā palakalafa

Fai Fua ke Oti te Mataupu: A te ‵toe mea tāua ko te oko atu ki te loto o te tino, kae sē ko te fai fua ke oti te mataupu. (Lu 24:32) Ke fakaaoga te ‵mana o te Muna a te Atua mai te saga tonu atu ki tusi fai‵tau tāua i te mataupu. (2Ko 10:4; Epe 4:12; be-E 144 ¶1-3) Fakaaoga a tala fakatusa faigofie. (be-E 245 ¶2-4) Mafaufau ki fakalavelave mo talitonuga o te tino akoga, kae fakafetaui aka a te mataupu ki a ia. ‵Sili atu a vaegā fesii penei: “E pefea ou lagonaga e uiga ki mea e tauloto ne koe i konei?” “Se a te mea e akoako mai e uiga ki a Ieova?” “Ne a mea aoga e maua ne koe mai te fakagalue aka o te fakatakitakiga tenā?”—be-E 238 ¶3-5; 259 ¶1