TE POGAI E TĀUA EI: E fakatoka eiloa a fakatasiga e pelā me ne taimi ke “usu pese ki te Aliki [Ieova]” kae “‵viki atu ki a ia.” (Sal 149:1) I fakatasiga, e akoako eiloa tatou ke fai te loto o te Atua. (Sal 143:10) E lavea atu te ga‵solo ki mua o tino fia‵fia mo tino a‵koga faka-te-Tusi Tapu māfai ko oti ne kamata o ‵kau mai ki fakatasiga.

TE AUALA KE FAI EI:

• Fakaoko fakavave atu se ‵kamiga. E se ‵tau mo koe o faka‵tali ke oko loa ki te taimi ko fakatumau ei se akoga faka-te-Tusi Tapu.—Fa 22:17

• Fakamatala atu ki te tino fiafia a mea kolā ka fai i loto i te fakatasiga mo mea kolā ka sau‵tala ki ei i te suā fakatasiga. E mafai o fesoasoani mai a mea konei mai lalo i te feitu tenei: te Pepa ‵kami ki te fakatasiga a te fakapotopotoga, te vitio ko te Ne a Mea e Fai i se Kingdom Hall?, mo te mataupu e 5 mo te 7 o te polosiua ko te Ke Fai te Loto o Ieova

• Fesoasoani atu. E mata, e manako te tino fiafia tenei ke ave a ia i se mea fakateletele io me manako ki ne gatu mata ‵tau? Ke sagasaga i ana tafa i te fakatasiga kae ke fakaaoga ne ia au tusi mō te fakatasiga. Fakamasani atu a ia ki nisi tino