Ne mafai o talai atu a Iesu i taimi seki fuafuagina ki te fafine Samalia me ne kamata ne ia se sau‵talaga mo tou fafine. E mafai pefea o momea aka ‵tou ata‵mai i te kamataga o sau‵talaga mo tino ‵fou?

• Ke mata fiafia kae faipati ki tino. Faitalia tena fi‵ta, ne kamata eiloa ne Iesu se sau‵talaga mai te fakamolemole atu fua ki se meainu. Tela la, e mafai foki koe o kamata mai te fakatalofa atu kae kāti ke fai atu sou manatu ki te tau o te aso, io me se mea ne tupu fua fakamuli nei. Masaua, a te fakamoemoega muamua ke kamata se sau‵talaga, kāti mai te fai‵pati ki se mataupu telā e fiafia ki ei te tino. Kafai e se tali mai tou tagata io me ko tou fafine, e seai foki loa se mea e fai i ei. Ke taumafai atu ki te suā tino. Ke akai atu ki a Ieova mō te loto malosi.—Nee 2:4; Gal 4:29.

• Ke matapulapula ki se avanoaga ke fakaasi atu a te tala ‵lei, kae ke mo a e fakava‵vave. Taumafai ko te sau‵talaga ke fanofano ‵lei. Kafai e faimālō ne koe, ka mafai o se ‵lei ki te tino kae ko se fia sau‵tala atu. Ke mo a e loto vāivāi māfai e oti te sau‵talaga kae seki maua se avanoaga ke talai atu. Kafai e mataku koe ma taumafai ke talai atu te talai ‵lei, ke fakaakoako muamua ki te kamataga o sau‵talaga e aunoa mo te talai atu. [Pei te vitio 1 ko sau‵tala ki ei.]

• Taumafai ke ‵sala atu ki se avanoaga ke talai atu mai te fakaasi atu mo tou loto kātoa se manatu e uiga ki tou fakatuanaki telā e mafai o fakamalosi atu ki te tino fakalogologo ke fesili mai mō se fakamatalaga. Ne fai ne Iesu ne pati ‵gali kolā ne fai ei ko te fafine ke fesili atu ki a ia. I te taimi eiloa ne faipati tou tagata ki te tala ‵lei, ko tali atu eiloa ne ia ana fesili. [Pei te vitio i te 2 ko sau‵tala ki ei, ka oti ko toe pei te vitio i te 3 ko sau‵tala foki ki ei.]