I a Novema, e taumafai malosi tatou o fakaasi atu te tala ‵lei me ko pili mai se lalolagi telā e tai ‵lei atu. (Sal 37:10, 11; Fks 21:3-5) Ke fakama‵fuli au fakatokaga ke mafai o kau atu koe ki te galuega fakapito tenei. Kafai ne saina koe ke paenia lagolago i te masina, e manakogina ke galue ne koe a itula e 30 io me 50.

Fakatoka ke fakaasi atu se tusi faitau e uiga ki te lalolagi fou ki tino e tokouke. Kafai e filifili aka se fuaiupu i te Tusi Tapu, mafaufau ki mea kolā e fia‵fia ki ei a tino i tau koga talai. Kafai ne fakaasi atu ne se tino te fiafia i te sau‵talaga muamua, tuku atu ki a ia se ‵kopi o Te Faleleoleo Maluga Napa 2 2021. Kae ke toe asi fakavave atu ki tino fia‵fia kae taumafai ke kamata se akoga faka-te-Tusi Tapu mai te fakaaogaga o te polosiua ko te Ke Ola ki te Se-Gata-Mai! Ko oko loa te fakafiafia ke fakaasi atu te “tala ‵lei o se mea tai ‵lei atu”!—Isa 52:7.

KE ONOONO KI TE VITIO O TE PESE TE LALOLAGI FOU, KAE TALI A FESILI KONEI:

• Se a te fakamoemoega gali i aso mai mua e fakaataata ne te tamaliki fafine foliki?

• Ne a nisi mea i te lalolagi fou e olioli malosi koe ki ei?

• E fesoasoani atu pefea a te mafaufau ‵loto ki tou fakamoemoega ke mafai o kau katoatoa koe ki te galuega fakapito i a Novema?—Luk 6:45