A te tino tele e ‵tau faeloa o fakagasue‵sue ana ga‵kano ko te mea ke tumau faeloa tena apo i te tele. Kae penā foki tatou, e ‵tau faeloa o akoako kae fakatumau te malosi o ‵tou mafaufau. (Epe 5:14) E tiga eiloa e mafai o fakaakoako tatou ki fakaikuga a nisi tino, e ‵tau eiloa o akoako faeloa ne tatou a te atamai o ‵tou mafaufau kae fai ‵tou fakaikuga totino. Kaia? Me tuku atu eiloa ne tatou taki tokotasi se tala e uiga ki ‵tou fakaikuga ne fai.—Lom 14:12.

E se ‵tau o mafau‵fau tatou me ka fai eiloa ne tatou a fakaikuga ‵lei ona ko tatou ko leva ne papatiso. Ke fai a fakaikuga ‵poto, e ‵tau o fakalago‵lago tatou ki a Ieova, tena Muna, mo tena fakapotopotoga.—Ios 1:7, 8; Fat 3:5, 6; Mat 24:45.

ONOONO KI TE VITIO “FAKATUMAU SE LOTO LAGONA ‵LEI,” KAE TALI A FESILI KONEI:

• Se a te fakaikuga ne fakafesagai mo Emma?

• Kaia e se ‵tau o fakaasi atu a ‵tou manatu totino ki mea kolā e ‵tau o fakagalue i ei te loto lagona o se tino?

• Se a te manatu fakatonutonu poto ne fakaasi atu ne se tauavaga ki a Emma?

• Ne maua i fea ne Emma a fakamatalaga aoga e uiga ki tena fakalavelave?