E a, e ‵gali ki a koe a vitio mo fesili ke mafau‵fau ki ei i te tusi ko te Ke Ola ki te Se-Gata-Mai? Kae e pefea a vaega ko te “Mea e Fai Mai ne Nisi Tino,” “Mea e Mafai o Fai,” mo te “Nisi Fakamatalaga”? Ne a nisi vaega o te tusi e lavea ne koe me mafai o aoga ki te galuega ko te faiga o soko?—Mat 28:19, 20.

Vitio mo Nisi Mea: Kafai e manako koe o fakaaoga te tusi ke fai ki ei se akoga faka-te-Tusi Tapu, e maua pefea ne koe a vitio mo nisi mea i ei? Fano ki te tusi i tau tivaisi, ko fili ei se vaega e tasi mai vaega e fa o te tusi. I te feitu ki lalo o ulutala o mataupu, e mafai o fili ne koe a vitio mo nisi mea mō te vaega tenā. (Onoono ki te ata 1.)

Te vaega ko te “Printed Edition”: Kafai e fai ne koe se akoga kae fakaaoga te tusi i tau tivaisi, kāti ka ‵lei atu ki a koe ke fakaaoga te vaega ko te “Printed Edition” i nisi taimi māfai ko fai te akoga. Fano ki loto i te mataupu, ‵toko i piliota e tolu i te feitu ki luga o te itulau kae fili te “Printed Edition.” A te ‵tuga tenei e mafai o fesoasoani atu ki a koe ke masaua a te auala e soko ei a mea e sau‵tala koulua ki ei mo te matua kātoa o te mataupu. Ke mafai o toe foki ki te ‵tuga masani i tau tivaisi, toe ‵toko i piliota e tolu kae fili te “Digital Edition.”

“E Mata, ko Toka Au?”: A pokisi konei i te fakaotiotiga o te tusi e faka‵mafa mai i ei a mea e manakogina ke fai ne se tino ke mafai o toka a ia o talai fakatasi mo te fakapotopotoga kae papatiso. (Onoono ki te ata i te 2.)

Fakamatalaga fakaopoopo: E maua i ei a nisi fakamatalaga e uiga ki nai mataupu tāua. E maua i te tusi i tau tivaisi se link i te fakaotiga o fakamatalaga fakaopoopo katoa ke mafai o toe foki koe ki te koga ne gata koe i ei i te mataupu. (Onoono ki te ata i te 2.)