A te olaga avaga Kelisiano manuia e fakaaloalo atu ki a Ieova kae maua foki i ei ne te tauavaga a te fiafia. (Mko 10:9) Ko te mea ke maua se olaga avaga fiafia kae tumau, e ‵tau mo Kelisiano o tau‵tali faka‵lei ki fakatakitakiga i te Tusi Tapu māfai ko filifili te tino ke avaga ki ei.

Ke kamata o fai famau māfai ko ‘seke koe mo te tulaga talavou,’ ko te taimi telā e ma‵losi ‵ki i ei a lagonaga fakatauavaga kae mafai o fai i ei ke faigata ke fai ne koe se filifiliga tonu. (1Ko 7:36) Ke na fakaaoga faka‵lei tou tulaga talavou o fakamalosi aka tou fesokotakiga mo te Atua kae ke ati aka a uiga faka-Kelisiano. Mai te fai penā, ka mafai eiloa o fesoasoani malosi koe ki te faiga ke manuia tou olaga avaga.

A koi tuai o talia ne koe ke avaga mo se tino, ke fakaaoga faka‵lei a taimi ke iloa ne koe a te “tino sē lavea ko te loto.” (1Pe 3:4) Kafai e isi ne mea e fakalotolotolua malosi koe ki ei, sau‵tala ki ei mo te tino e mafaufau koe ke avaga koulua. I te olaga avaga, e ‵tau mo koe o saga tonu atu ki au mea e mafai o tuku atu i lō au mea e maua, e pelā eiloa mo ou fesokotakiga mo nisi tino. (Fpi 2:3, 4) Kafai e fakagalue ne koe a fakatakitakiga i te Tusi Tapu mai mua o avaga, ko fakatoka eiloa ne koe se fakavae ‵lei mō se olaga avaga fiafia.

ONOONO KI TE VITIO FAKATOKAGA MŌ TE AVAGA—VAEGA 3: “GALUE TE ‵TOGI,” KO TALI EI A FESILI KONEI:

• Ne pefea te gasolo ki mua o te fesokotakiga o te tuagane tenei mo Shane?

• Ne a ana mea ne lavea i te lā fesokotakiga?

• Ne fesoasoani atu pefea ana mātua ki tou fafine, kae se a te fakaikuga poto ne fai ne ia?