Ko oko loa i te uke o fakalavelave faiga‵ta i aso fakaoti konei. Ona ko te pili atu o tatou ki te gataga o te olaga tenei, e mautinoa eiloa me ka gasolo aka o uke a fakalavelave faiga‵ta. I nisi taimi ko sē lava a mea e tausi ei tatou i te feitu faka-te-foitino. (Sap 3:16-18) Se a te mea ka fesoasoani mai ke fakafesagai atu tatou mo te loto tali‵tonu ki te tulaga faigata i mea tau tupe? E ‵tau o tumau tatou i te tali‵tonu ki te ‵tou Atua, ko Ieova. Ne tauto mai me ka saga mai a ia ki ana tavini, kae e mafai o tausi ne ia tatou i so se tulaga.—Sal 37:18, 19; Epe 13:5, 6.

Mea e mafai ne koe o fai:

• Akai atu ki a Ieova mō se takitakiga, te poto, mo tena fesoasoani.—Sal 62:8

• Ke loto fiafia o talia se galuega telā seki fai muamua ne koe.—g 1/10 8-9, pokisi

• Fakatumau se polokalame faka-te-agaga ‵lei, e aofia ei te faitau ki te Muna a te Atua i aso katoa, kau faeloa ki fakatasiga mo te galuega talai

ONOONO KI TE VITIO FAITE SE FALE TELĀ KA TUMAU—KE “LOTOMA‵LIE KI MEA KO MAUA NE KOUTOU,” KO TALI AKA EI A FESILI KONEI MAI LALO:

• Ne a mea faiga‵ta ne fe‵paki mo nisi kāiga?

• Se a te ‵toe mea tāua i te olaga?

• E mafai pefea o fesoasoani tatou ki a latou kolā e fakafesagai mo tulaga faiga‵ta i mea tau tupe?