E tuku mai i te Muna a te Atua a mea katoa kolā e manakogina ne tatou ke kufaki i mea faiga‵ta i aso fakaoti konei. (2Ti 3:1, 16, 17) Kae i nisi taimi, e manakogina ne tatou se fesoasoani ke ‵sala atu ki fakatakitakiga i te Tusi Tapu kolā e aoga ki se fakalavelave fakapito. E pelā me se fakaakoakoga, e mata, koe se mātua telā e ‵sala atu ki se manatu fesoasoani e uiga ki te putiakaga o tama‵liki? E mata, koe se talavou telā e tofotofogina tou fakatuanaki? E mata, koe se fafine io me se tagata telā e fanoanoa i te galo atu o tau avaga i te mate? Ka maua ne koe a mataupu i te jw.org kolā e aofia i ei a fakatakitakiga i te Tusi Tapu ke fesoasoani atu ki a koe i tulaga konei mo nisi fakalavelave aka.—Fat 2:3-6.

I te itulau kamata o te jw.org, ‵toko i te vaega ko te BIBLE TEACHINGS. (Onoono ki te ata 1.) I te fakasologa tenā, fano ki te vaega telā e manako koe ki ei. Io me fano ki te LIBRARY > ARTICLE SERIES kae filifili aka te vaega e manako koe ki ei. (Onoono ki te ata i te 2.) E mafai foki o maua ne koe a vaega konā i te JW Library^®. * Kāti ka ‵gali ki a koe a mataupu i loto i ei. Io me kafai e isi se mataupu fakapitoa e manako koe ki ei, fano fua ki te vaega ko te ‵sala i te jw.org.

Taipa ne koe a mataupu i te pokisi ko te ‵sala, kae fakamau ki lalo a mataupu kolā e fia faitau koe ki ei.

• Akoako tama‵liki

• Talavou

• Te mate o se tino pele