A te itulau kamata o te ‵tou fakatuatusi telā e ‵sae mai i ei a mataupu mo vitio ne fakatoka mō tino loto ‵lei kolā e se ne Molimau a Ieova. (Gal 13:48) E faka‵mafa mai foki i ei a mataupu kolā e masani o mai i tala io me mafau‵fau kae sau‵tala ki ei a tino.

E fakaaoga pefea ne koe te itulau kamata i te jw.org i tau galuega talai?

• Ke āsi faeloa ki te fakatuatusi. Ke onoono ki mea kolā e ‵sae mai faeloa, kae mafaufau ki te auala ke fakaaoga ne koe ke fesoasoani atu ki se tino fiafia. (Ke maua a nisi mataupu kolā ne ‵sae fakamuli mai i te itulau kamata, ‵toko i “Nisi Mea.”) E fesoasoani atu loa a te onoono faeloa ki te fakatuatusi ke maua ne koe a manatu ‵fou ke fakaaoga i tau galuega talai.

• Fakaaoga a mataupu mo vitio kolā e ‵sae mai i te itulau kamata ke kamata se sau‵talaga. E mafai o tuku mai i ei a manatu ki mea e mafai o mafau‵fau ki ei a tino i te koga talai.

• Fakaasi ki tino a te itulau kamata. Fakaasi atu a mataupu fakapito, kae fakaasi ki te tino a te auala ke maua a fakamatalaga i te fakatuatusi.

• Lafo atu a te auala ke fano ki ei. E sē manako a nisi tino ke sau‵tala mo tatou mata ki mata, kae loto fia‵fia eiloa latou o olo atu ki te fakatuatusi. Tela la sa fakatalave o lafo atu ki a latou kolā e fia‵fia a te auala ke fano ki te itulau kamata io me se mataupu io me se vitio fakapito telā e sae mai konā.