KE OLA E PELĀ ME NE KELISIANO
Mātua—Fesoasoani ki au Tama ke Maua te Poto Mai te Atua
E tasi o auala ‵lei e mafai o fesoasoani atu a mātua ki olotou tama ke maua te poto mai te Atua ko te fesoasoani atu ki a latou ke maua a mea aoga mai fakatasiga Kelisiano. A mea e lavea, lagona, kae fakaasi atu i olotou tali i fakatasiga e mafai o fesoasoani ki a latou ke tauloto e uiga ki a Ieova kae fai mo ana taugasoa pili. (Teu 31:12, 13) Kafai koe se mātua, e fesoasoani atu pefea koe ki tau tama ke tauloto ki mea aoga e uke atu i fakatasiga?
-
Fai te mea e mafai ke kau atu ki fakatasiga i te Fale Tapuaki.—Sal 22:22
-
Fakaavanoa ne taimi ke sau‵tala mo taina mo tuagane i te Fale Tapuaki mai mua io me mai tua o te fakatasiga.—Epe 10:25
-
Fakamautinoa aka me i tino takitasi i te kāiga e isi ne olotou ‵kopi o tusi e akoga ki ei i te fakatasiga, faitalia me i tivaisi io me ne tusi
-
Fesoasoani ki tau tama ke fakatoka se tali i ana pati totino loa.—Mat 21:15, 16
-
Faipati ki mea ‵lei e uiga ki fakatasiga mo mea e tauloto ne tatou i ei
-
Fesoasoani ki au tama ke aofia i polokalame e pelā mo te fuluga o te Fale Tapuaki kae sau‵tala mo taina mo tuagane ma‵tua i te fakapotopotoga
E manakogina a taumafaiga e uke ke fesoasoani ki au tama‵liki ke fakapilipili atu ki a Ieova, kae mafai o fakafi‵ta mai i nisi taimi. E ui i ei, e talitonu koe me ka fesoasoani atu a Ieova ki a koe.—Isa 40:29.
KE ONOONO KI TE VITIO MĀTUA, FAKALAGOLAGO KI A IEOVA MO TENA MALOSI, KAE TALI AKA FESILI KONEI MAI LALO:
-
Ne pokotia pefea a Zack mo Leah ona ko te fi‵ta?
-
Kaia e ‵tau i ei mo mātua o ‵sala atu ki a Ieova mo se fesoasoani?
-
I auala fea ne fakalagolago atu ei a Zack mo Leah ki a Ieova ke iku manuia?
