A Ieova e se fakailoga tino. (Ga 10:34, 35) E talia ne ia a tino mai “atufenua katoa, matakāiga katoa, tino katoa penā foki loa mo ‵gana katoa.” (Faka 7:9) Tela la, e seai se fakailoga tino io me se fapito i loto i te fakapotopotoga Kelisiano. (Ia 2:1-4) E loto fakafetai tatou ki akoakoga mai te Atua, e fia‵fia foki tatou ki te palataiso faka-te-agaga telā e lavea ei ne tatou a ‵fuliga ki olaga mo uiga o tino. (Isa 11:6-9) Mai te ga‵lue malosi ke tapale kea‵tea mai ‵tou loto te fakailoga tino, e fakamaoni atu ei i a tatou e ma‵nako o fakaakoako ki te Atua.—Efe 5:1, 2.

• Kaia e ma‵luga atu ei a akoakoga mai te Atua i lō taumafaiga a tagata ke fakaseai atu te uiga fakailoga tino mo te fapito?

• Se a te mea e fakaofoofogia ki a koe e uiga ki ‵tou taina i te lalolagi kātoa?

• E faka‵malu pefea a Ieova māfai e tumau tatou i te fakaasi atu o te filemu faka-Kelisiano?