KOLOA MAI TE MUNA A TE ATUA | ISAIA 11-16
A te Lalolagi ka ‵Fonu i te Iloaga o Ieova
11:6-9, NW
E fakasino pefea te valoaga tenei ki te kau Isalaelu
-
Ne seki ‵tau o ma‵taku a tino Isalaelu i manu fakama‵taku mo tino uiga manu i te taimi ne ‵foki ei latou mai te ‵nofo pologa i Papelonia penā foki mo te fenua ka ‵foki latou ki ei.
—Esl 8:21, 22.
E fakasino pefea te valoaga tenei i ‵tou aso nei
-
A te iloaga o Ieova ne ‵fuli ei a olaga o tino. A tino sāua muamua ko fai nei pelā me ne tino filemu. Ona ko te iloaga o te Atua, ko māfua mai i ei te palataiso faka-te-agaga i te lalolagi kātoa
E fakasino pefea te valoaga tenei i aso mai mua
-
Te lalolagi kātoa ka ‵fuli ki te palataiso telā e maua ei te tokagamalie mo te filemu e pelā eiloa mo te fuafuaga a te Atua i te kamataga. E seai se manu fekai io me se tino e ‵tau o mataku i ei
Ne ‵fuli a Paulo ona ko te iloaga e uiga ki te Atua
-
E pelā me se Falesaio, ne fakaasi ne ia a uiga manu.
—1Ti 1:13 -
Ona ko te iloaga tonu ne ‵fuli ei ana uiga.
—Ko. 3:8-10
