TE POGAI E TĀUA EI: E fai ne Ieova ke ola a fuaga o te munatonu i loto o “tino loto ‵lei kolā e ‵tau o maua ne latou a te ola se-gata-mai.” (Gal 13:48; 1Ko 3:7) E ga‵lue fakatasi tatou mo ia i te galuega talai mai te ‵saga tonu atu ki tino kolā e ma‵nako o ola e ‵tusa mo mea kolā e tauloto ne latou. (1Ko 9:26) E manakogina ke iloa ne ‵tou tino a‵koga ki te Tusi Tapu me i te papatisoga faka-Kelisiano e tāua ‵ki ki te lotou fakaolataga. (1Pe 3:21) E fesoasoani atu tatou ki a latou ke fai mo soko mai te akoako atu latou ke fai a ‵fuliga ki olotou olaga, ke talai kae akoako atu, kae ke tuku atu olotou ola mō Ieova.—Mat 28:19, 20.

TE AUALA KE FAI EI:

• Ke fakamasaua atu ki au akoga faka-te-Tusi Tapu me i te pogai e fai ei olotou akoga ko te fesoasoani atu ke ‘iloa ne latou’ a Ieova kae fakafiafia atu foki ki a ia.—Ioa 17:3

• Fesoasoani atu ki a latou ke ga‵solo ki mua i te feitu faka-te-agaga mai te fakafesagai atu ki fakalavelave faiga‵ta, e pelā mo uiga ma‵sei mo taugasoa ma‵sei

• Ke fakamalosi atu ki a latou mai mua o te olotou papatisoga kae penā foki māfai ko oti latou ne papatiso.—Gal 14:22

ONOONO KI TE VITIO KA FESOASOANI ATU A IEOVA TE ATUA KI A KOE, KO TALI AKA EI A FESILI KONEI MAI LALO:

• Ne a mea e mafai o taofi aka ei se tino mai te faiga o tena tukuatuga mo tena papatisoga?

• E mafai pefea o fesoasoani atu a toeaina ki a‵koga faka-te-Tusi Tapu ke ga‵solo ki mua i te feitu faka-te-agaga?

• Se a te mea e akoako mai ki a tatou i te Isaia 41:10 e uiga ki a Ieova?

• Ne a uiga kolā ka fesoasoani mai ke mafai o tavini atu tatou ki a Ieova, e tiga eiloa e sē ‵lei katoatoa tatou?