I taimi kese‵kese i tala fakasolopito mua, a tino o malo pule ne fesoasoani sāle ki tino o Ieova. (Esl 6:1-12; Est 8:10-13) Ke oko mai ki aso nei, ko oti ne lavea ‵tonu ne tatou a “te lalolagi”—ko vaega o te lalolagi konei kolā e maua ne latou te malamalama—e folo aka ne ia a “te vaitafe” o fakasauaga kolā ne fakamalosi ne “te talako,” ko Satani te Tiapolo. (Fks 12:16) A Ieova, te “Atua telā e faka‵sao ne ia a tino,” e mafai o fakaaoga ne ia a tagata pule ke faka‵sao ei ana tino mai fakalavelave.—Sal 68:20; Fat 21:1.

Kae, ea māfai e falepuipuigina koe ona ko tou fakatuanaki? E mautinoa eiloa me fakatasi atu faeloa a Ieova ki a koe. (Ken 39:21-23; Sal 105:17-20) Ke talitonu me ka taui atu eiloa tou fakamaoni kae ka fakamalosi atu eiloa tou fakatuanaki ki taina i te lalolagi kātoa.—Fpi 1:12-14; Fks 2:10.

KE ONOONO KI TE VITIO TAINA KOLEA KO ‵TALA MAI TE FALEPUIPUI, KA OTI KO TALI AKA EI A FESILI KONEI MAI LALO:

• Kaia e lau i afe o ‵tou taina i Kolea ki Saute ne falepuipuigina i te fia o tausaga ko ‵teka?

• Ne a fakaikuga ne fai i fono ne ala ei o ‵tala mai ei fakavave ki tua a nisi o ‵tou taina?

• E mafai pefea o fesoasoani atu tatou ki ‵tou taina i koga kese‵kese i te lalolagi kātoa kolā e falepuipuigina ona ko olotou fakatuanaki?

• E mafai pefea o fakaaoga faka‵lei ne tatou ‵tou saolotoga?

• Ko oi te pogai tonu o ‵tou manumaloga i fono?