16:12-15

Ne a mea e mafai o tauloto ne tatou mai te fakaaogaga o mea fakama‵nogi i te Aso o te Faka‵māga?

• A ‵talo a tavini fakamaoni a Ieova kolā e talia ne ia e fai pelā me ne mea fakama‵nogi. (Sal 141:2) E pelā eiloa mo te faitaulaga sili telā e aumai ne ia a mea fakama‵nogi ki a Ieova mo te āva lasi, e ‵talo atu foki tatou ki a Ieova i te āva mo te fakaaloalo

• E ‵tau o ‵sunu ne te faitaulaga sili a mea fakama‵nogi mai mua o ofo atu ne ia a taulaga. I se auala tai ‵pau, mai mua o ofo atu ne Iesu a tena ola e pelā me se taulaga, ne ‵tau foki o fakatoka ne ia se auala telā e talia ei ne Ieova a tena taulaga, mai te tumau i te fakamaoni i tena olaga

E mafai pefea o mautinoa i a au me talia ne Ieova aku taulaga?