Esekielu 27:1-36
-
Se pese o te tagi fanoanoa ona ko te vaka o Tulo telā ne pulu (1-36)
27 Ne toe oko mai te fekau a Ieova ki a au, ana muna:
2 “E pelā mo koe e te tama a te tagata, usu se pese fanoanoa e uiga ki Tulo,+
3 kae fai atu ki Tulo,‘A koe telā e nofo i mataloa o te tai,Ko te tino fai pisinisi o tino o fenua fo‵liki e uke,Konei a pati a te Aliki Sili ko Ieova ne fai mai:
“Tulo, a koe ne fai aka, ‘A toku tinogali ko katoatoa ‵lei.’+
4 Ou kogā fenua ko te kogaloto o te tai,Kae ko ou tufuga faite mea ne fakakatoatoa ne latou tou tinogali.
5 Ne faite ne latou ou laupapa katoa mai i lakau ko te iunipa mai i Senila+Kae ne puke ne latou se alasi mai i Lepanona ke faite se tila mō koe.
6 Ne faite ne latou ou foe mai i oka o Pasana,Kae ko tou taumua mai i pelosi kae ufi te koga i loto ki nifo o elefane mai i fenua fo‵liki o Kitimo.+
7 A laugatu lino lanu kese‵kese mai i Aikupito ne fai mo fai ou la,Kae ko ou onigi ne fai ki filo lanu moana mo vulu lanu violeta mai i fenua fo‵liki o Elisa.+
8 A tino o Saitonu mo Avata+ ko ou tino ālo.
A ou tāgata apo, e Tulo, ko ou kauvaka.+
9 A tāgata atamai kae apo o Kepola+ ne pono ne latou ou vaka ke se ‵mama.+
A vaka katoa o te tai mo olotou tino ‵poto i te fo‵lau ne o‵mai o ‵togi olotou mea i a koe.
10 A tāgata Pelesia, Luti mo Puti+ ne ‵kau i tau kautau, ko au tāgata o te taua.
Ne fakatau‵tau olotou talita mo puloutau i loto i a koe, kae ne aumai ne latou te takutakua ki a koe.
11 A tāgata o Avata i tau kautau ne faka‵tu fakatamilo i luga i ou ‵pui,Kae ko tāgata ‵mafi katoa ne ‵nofo i ou taoa.
Ne fakatau‵tau olotou talita puku‵puku e fakatamilo i ou ‵puiKae ne fai ei ke katoatoa tou tinogali.
12 “‘“A Talasisi+ ne fai ana pisinisi mo koe ona ko te lasi o tou maumea.+ Ne fesuiaki ne latou a siliva, fiti, kāpa mo pōlo fiti mo au mea.+
13 A Iavana, Tupalu+ mo Meseko+ ne fai pisinisi mo koe, ne fesuiaki olotou pologa+ mo olotou mea ne faite ki kopa mo ou koloa.
14 A te kāiga o Tokalama+ ne fesuiaki olotou solofanua mo miula mo au mea.
15 A tino o Titana+ ne fai pisinisi mo koe; ne fakaga‵lue ne koe a tino fai pisinisi i fenua fo‵liki e uke; kae avatu ne latou a nifo o elefane+ mo lakau uli kae tāua e pelā me ne meaalofa ki a koe.
16 A Etoma ne fai pisinisi mo koe ona ko te uke o au mea. Ne aumai ne latou a takosi, vulu lanu violeta, laugatu lanu kese‵kese, laugatu ‵lei, kamu mo lupi ke fesuiaki mo au mea.
17 “‘“A Iuta mo te fenua o Isalaelu ne fai pisinisi mo koe, ne tuku atu ne latou a saito mai i Miniti,+ meakai ‵gali, hani,+ sinu mo pasama+ ke fesuiaki mo au mea.+
18 “‘“A Tamaseko+ ne fai pisinisi mo koe ona ko te uke o au mea mo ou koloa katoa, e avatu ne latou a uaina o Helepone mo vulu o Sahala.*
19 A Vitani mo Iavana mai Usala ne avatu ne latou a mea ne faite mai i fiti, kasia* mo kani* ke fesuiaki mo au mea.
20 A Titana+ ne fai pisinisi mo koe i te tukumaiga o laugatu mō saga‵saga i tua o manu.
21 Ne fakagalue ne koe a tino Alapi mo takitaki katoa o Ketala+ kolā ko tino fai pisinisi mō tamā mamoe mo mamoe mo kouti.+
22 A tino fai pisinisi o Seepa mo Laama+ ne fai olotou pisinisi mo koe; ne avatu ne latou a toe vaegā sausau ‵lei, fatu tāua mo aulo ke fesuiaki mo au mea.+
23 A Halana,+ Kane, Etena+ ko tino fai pisinisi o Seepa,+ Asuula+ mo Kilimata ne fai pisinisi mo koe.
24 Ne fakatau atu ne latou i ou maketi a laugatu ‵gali, gatu ne faite ki laugatu lanu moana mo laugatu lanu kese‵kese, mo kapeti lanu kese‵kese ne ‵fetu faka‵lei kae ‵sai ki lōpu.
25 A vakamutu o Talasisi+ ko mea e tali ei ou koloa,Ko te mea ke ‵fonu kae ‵mafa tukituki eiloa koe i te kogaloto o te tai.
26 Ou tino ālo ne aumai ne latou koe ki te tai sou;A te matagi mai saegala ne fakamasei ne ia koe i te kogaloto o te tai lasi.
27 Ou koloa, au mea, au mea fakapisinisi, ou tino ‵poto i te fo‵lau mo ou kauvaka,Ko latou kolā e pono ne latou ou vaka, ko latou kolā e fakatau atu ne latou au mea fakapisinisi,+ mo tāgata katoa o te taua+—Ko tino katoa i loto i a koe—Ka ‵goto katoa latou i te kogaloto o te tai i te aso e takavale ei koe.+
28 Kafai e ‵tagi mai ou kauvaka, kae ka pole‵pole a koga e pili ki te tai.
29 A tino ālo katoa, tino ‵poto i te fo‵lau mo kauvakaKa o‵mai ki lalo mo olotou vaka kae ‵tu i te laukele.
30 Ka ‵tagi mautuutu latou i se leo maluga ona ko koe+Kae peipei a lefu ki luga i olotou ulu kae takafilifili i te ‵pefu.
31 Ka fai ne latou a latou eiloa ke ‵tula kae ‵pei ki gatu lautaga;Ka ‵tagi mautuutu latou ona ko koe kae ‵tagi malosi.
32 I te lotou ‵tagi fanoanoa ka usu ne latou se pese fanoanoa mo se fakalagi ona ko koe:
‘Ko oi e ‵pau mo Tulo, ko filemu nei i te kogaloto o te tai?+
33 I te taimi ne aumai ei au mea mai i te tai lasi, ne fakalotoma‵lie ne koe a tino e tokouke.+
Ou koloa e uke mo au mea fakapisinisi ne fai ei ke mau‵mea a tupu o te lalolagi.+
34 Nei la, ko oti ne fakamasei a koe i te tai lasi, i te tai ‵poko,+Kae ko au mea fakapisinisi katoa mo ou tino ne ‵goto ifo ki lalo fakatasi mo koe.+
35 A tino katoa e ‵nofo i fenua fo‵liki ka ‵kilo mai ki a koe mo te ‵poi,+Kae ko olotou tupu ka pole‵pole i te ma‵taku+—ka lavea atu te mataku i olotou mata.
36 A tino fai pisinisi mai i nisi atufenua ka fakatauemu atu ki te mea ne tupu ki a koe.
A te gataga o koe ka oko fakapoi mai kae masei ‵ki,Kae ka galo atu eiloa koe mō taimi katoa.’”’”+
Fakamatalaga mai lalo
^ Io me “mo vulu lanu kulakula kae kefukefu.”
^ Se lakau mai te kāiga o te lakau ko te kinamoni.
^ Se mouku telā e isi sena manogi.
