Ielemia 4:1-31
4 “Kafai e toe foki mai koe, e Isalaelu,” ko te folafolaga a Ieova,“Kafai e toe foki mai koe ki a auKae kafai e tapale kea‵tea ne koe au tupua fakatakalia‵lia mai i oku mua,Tenā ko se fai ei koe pelā me se tino maumausolo.+
2 Kae kafai e tauto mai koe,‘E pelā eiloa mo Ieova e ola!’ i te munatonu, i te fai mea tonu, mo te amiotonu,Tenā ko maua ei ne atufenua se fakamanuiaga mō latou e auala i a ia,Kae ka fai‵pati fakamata‵mata latou e uiga ki a ia.”+
3 Konei a pati a Ieova e fai atu ki tāgata o Iuta mo Ielusalema:
“Fakamalū mō koutou a laukele kolā e seki fakagalue aka,Kae ke mo a ma ‵toki faeloa i va o lakau talatala.+
4 Ke pilitome koutou mō Ieova,Kae tapale a muāpa‵kili o otou loto,+Koutou tāgata o Iuta mo tino e ‵nofo i Ielusalema,Ko te mea ke se ula aka toku kaitaua pelā me se afiKae ‵ka e aunoa mo se tino ke tamate ne ia,Ona ko otou faifaiga matagā.”+
5 Faka‵pula atu te mea tenā i Iuta, kae folafola atu i Ielusalema.
Pakalaga kae fakatagi se pu i te fenua kātoa.+
Kalaga ki luga kae fai atu: “Maopoopo fakatasi mai,Kae ke ‵tele tatou ki loto i fakai ne puipui faka‵lei.+
6 Fakatu aka se fakailoga ki Siona.
‵Sala se koga mo ou fakamalu, kae sa tu fua,”
Me ka aumai ne au te fakalavelave mai i mātū,+ se fakamaofaga lasi.
7 Ne sae aka a ia e pelā me se leona mai i tena vao lakau;+A te tino fakamasei atufenua ko fano.+
Ko fano a ia ki tua mo tena koga o fai te otou fenua mo mea fakamataku.
A otou fakai ka fakamasei katoatoa, ke seai se tino e nofo i ei.+
8 Tela la, ‵pei ki gatu lautaga,+‵Tagi fanoa‵noa* kae ‵tagi paka‵laga,Me i te kaitaua o Ieova telā e ‵ka pelā me se afi ne seki ‵fuli kea‵tea mai i a tatou.
9 “I te aso tenā,” ko te folafolaga a Ieova, “a tupu ka loto vāi‵vai,+E pelā foki a loto o pelenise;A faitaulaga ka ‵poi, kae ko pelofeta ka ofo.”+
10 Tenā ne fai aka ei au: “Oi aue, e te Aliki Sili ko Ieova! E tonu, ko oti eiloa ne faka‵se katoatoa ne koe a tino konei+ fakatasi mo Ielusalema, i au muna, ‘Ka maua ne koutou te filemu,’+ kae tela la, a te pelu e tu eiloa i omotou kato.”
11 I te taimi tenā, ka fai atu ei ki tino konei mo Ielusalema:
“A te matagi ‵vela mai i tamā mauga o te toafa kolā e seai ne lakau i eiKa agi mai ki tama fāfine o toku fenua;E se agi mai o faka‵ma a saito io me fulu faka‵ma.
12 Ona ko taku fakatonuga, ka vau ei a te matagi tafasili i te malosi mai i koga konei.
Nei la, ka fakaoko atu ne au a fakamasinoga ki a latou.
13 Kiloke! Ka vau a ia e pelā me ne kaumana o vaiua,Kae ko ana kaliota e pelā me se matagi malosi.+
Ana solofanua e ma‵kini atu i aeto.+
Kalofa eiloa i a tatou, me i a tatou ko oti ne fakamaseigina!
14 ‵Fulu otou loto ke ‵ma mai i amioga ma‵sei, e Ielusalema, ko te mea ke ‵sao koutou.+
E pefea te leva ka tausi ei ne koutou a mafaufauga matagā?
15 Me ne fai mai ne se leo a tala mai i Tanu,+Kae e folafola mai ne ia te fakalavelave mai i mauga o Efalaima.
16 Lipoti atu te mea tenā, ao, ki atufenua;Folafola atu foki ki Ielusalema.”
“E o‵mai a leoleo mai i se fenua ‵mao,Kae ka ka‵laga i se leo maluga o ‵teke ki fakai o Iuta.
17 E o‵mai latou o taua atu ki tou fafine mai i feitu katoa e pelā mo leoleo o te fatoaga,+Me ne ‵teke mai tou fafine ki a au,”+ ko te folafolaga a Ieova.
18 “Ou auala mo au faifaiga ka oko atu eiloa ki luga i a koe.+
Ka ‵kona eiloa te fakalavelave o koe,Me e oko faka‵lei atu eiloa ki tou loto!”
19 Oi toku tigaina,* toku tigaina!
E lagona ne au te lasi o te logo‵mae i toku loto.*
A toku fatu e tuki i loto i a au.
E se mafai ne au o nofo malie,Me ko oti ne lagona ne au te ‵tagi o te pu,Te fakailoga o te taua.+
20 Ko oti ne lipoti mai me e ‵soko atu te fakalavelave ki te suā fakalavelave,Me i te fenua kātoa ko oti ne fakamasei.
Ko oti ne fakamasei fakavave aka oku faleie,I se auala fakapoi ko laugatu o oku faleie.+
21 E pefea te leva ka lavea faeloa ne au te fakailoga,E lagona faeloa ne au te ‵tagi o te pu?+
22 Me i oku tino e va‵lea;+A latou e se fia ‵saga mai ki a au.
A latou ne tama va‵lea, e seai se malamalama.
E ‵poto eiloa latou māfai ko fai a amioga ma‵sei,Kae e se iloa ne latou o fai a te mea ‵lei.
23 Ne lavea ne au te laukele kae kiloke! e seai ne tino i ei kae ko masei valevale.+
Ne kilo aka au ki te lagi, kae ko seai se mainaga i ei.+
24 Ne lavea ne au a mauga kae kiloke! e ga‵lulu a mea konā,Kae ko tamā mauga e gasue‵sue.+
25 Ne lavea ne au kae kiloke! e seai se tagata,Kae ko manu eva katoa o te lagi ko eva kea‵tea.+
26 Ne lavea ne au kae kiloke! a te vao lakau kaina ko fai pelā me se koga lavaki,Kae ko ana fakai katoa ko oti ne ofa ki lalo.+
Ne fai penā ona ko IeovaOna ko tena kaitaua telā e ‵ka pelā me se afi.
27 Me konei a pati a Ieova ne fai mai: “A te fenua kātoa ka masei valevale,+Kae ka se fakaseai katoatoa ne au.
28 Ona ko te pogai tenei, ka tagi fanoanoa ei te laukele,+Kae ka pouli te lagi i luga.+
E fai penā ona ko au ko oti ne faipati, ko oti ne fai taku fakaikuga,Kae ka se ‵fuli toku mafaufau, io me ‵fuli toku tua ki ei.+
29 Mai i te ‵tagi o leo o tāgata faka‵tele solofanua mo tino sana matasana,E ‵tele ei kea‵tea te fakai kātoa.+
E ulu atu latou ki loto i vao lakau,Kae ‵kake latou i kaupapa.+
A fakai katoa ko tuku tiaki,Kae e seai se tagata e nofo i ei.”
30 Nei la, a koe ko oti ne fakamaseigina, se a te mea ka fai ne koe?
E masani o pei koe ki laugatu kula,Kae fakagaligali koe ki aulo,Kae vali ou mata ki pēni uli.
Kae e seai se aoga o teuteuga o koe,+Me i tino kolā ne fia‵fai ki a koe ko ‵teke atu ki a koe;Ko ‵sala nei latou ki se auala o tamate koe.+
31 Me ne lagona ne au te leo o te fafine masakiNe mafatia e pelā mo te fafine ka fai o fanau tena tama muamua,Ko te leo o te tama fafine o Siona telā e manako ki se mānavaga.
Ne ‵fola ana lima+ kae fai mai tou fafine:
“Kalofa eiloa i a au, me i a au ko ‵fiu i tino tatino!”
Fakamatalaga mai lalo
^ Io me “Tuki otou fatafata.”
^ Epelu, “oku gakau.”
^ Epelu, “i loto i ‵pui o toku loto.”
