Ielemia 5:1-31
5 Olo atu i loto i auala o Ielusalema.
Kilo‵kilo ki otou tafa kae masaua.
Salasala i loto i malae o tena fakai ke onoono akaMe e isi se tagata e maua atu e fai ne ia a fakamasinoga ‵tonu,+Se tino telā e salasala ki te fakamaoni,Kae ka fakamagalo ne au a ia.
2 Kafai foki loa e fai mai latou: “E pelā eiloa mo Ieova e ola!”
Kae koi tau‵to eiloa latou ki te mea sē tonu.+
3 Ieova, e a, e se kilo atu ou mata ki te fakamaoni?+
Ne ‵ta ne koe latou, kae seai se mafuliga i a latou.*
Ne fakaseai ne koe latou, kae ne ita latou ma faka‵logo ki au polopolokiga.+
Ne fai ne latou olotou mata ke ma‵keke atu i lō se kaupapa,+Kae ne ita latou ma ‵fuli mai.+
4 Kae ne fai ifo au ki a au eiloa: “E mautinoa me i tino konei ne tino ma‵lalo.
E fai ne latou a mea va‵lea, me e se iloa ne latou a te auala o Ieova,Ko te fakamasinoga a te lotou Atua.
5 Au ka fano ki tāgata lauiloa o fai‵pati mo latou,Me kāti e masaua ne latou a auala o Ieova,Te fakamasinoga a te lotou Atua.+
Kae ne ‵fati ne latou katoa te amoKae ‵motu kea‵tea a saisaiga.”
6 Tenā te pogai e oso atu ei se leona o te vao ki a latou,A te kuli vao o te koga laugatasi e taua atu faeloa ki a latou,A te lepoti e takatokato mo te matapulapula i olotou fakai.
So se tino e fano kea‵tea mai i ei e saesae likiliki.
Me e uke olotou amioga solitulafono;E uke foki olotou faifaiga sē fakamaoni.+
7 E mafai pefea o fakamagalo ne au koe ona ko te mea tenei?
Ko oti ne tiakina au ne au tama tāgata,Kae e tau‵to latou e auala i se mea telā e sē se Atua.+
Ne fakamalie aka ne au olotou manakoga,Kae ne muli‵lua faeloa latou,Kae ne olo atu latou ki te fale o se fafine talitāgata.
8 E fai latou e pelā me ne solofanua e fina ki amioga fakatauavaga,E ‵tagi katoa ki te avaga a te suā tagata.+
9 “E a, e se ‵tau o fakasala ne au latou ona ko mea konei?” ko te folafolaga a Ieova.
“E a, e se ‵tau mo au o taui ma sui atu ki se vaegā fenua penā?”+
10 “Fanaka ki tena togavine kae fakamasei atu,Kae sa fakaseai katoatoa atu.+
Unu kea‵tea ana somo kolā ko salalau atu,Me e se i a Ieova a mea konā.
11 Me i te kāiga o Isalaelu mo te kāiga o IutaKo oti ne fakatogafiti katoatoa ne latou au,” ko te folafolaga a Ieova.+
12 “Ko oti ne fakafiti ne latou a Ieova, kae fai atu faeloa latou,‘Ka seai se mea e fai ne ia.+
Ka seai se fakalavelave e oko mai ki luga i a tatou;Ka se lavea ne tatou se pelu io me se oge.’+
13 A pelofeta ko ‵fonu i te matagi,Kae e seai se muna* i loto i a latou.
Ke tupu eiloa te mea tenei ki a latou!”
14 Tela la, konei a pati a Ieova te Atua o kautau ne fai mai:
“Ona ko tāgata konei e fai mai ne latou a pati konei,Tenei ko fai ne au aku pati e pelā me se afi i tou gutu,+Kae ko tino konei ko fafie,Kae ka ‵ka latou i ei.”+
15 “Tenei ko aumai ne au ki a koe se atufenua mai i se koga ‵mao, e te kāiga o Isalaelu,”+ ko te folafolaga a Ieova.
“Se atufenua telā e tumau.
Se atufenua mai i aso mua,Se atufenua e se iloa ne koutou te lotou ‵gana,Kae e se malamalama koutou i olotou pati.+
16 A te lotou mea tuku matasana e fai pelā me se tanuga matala;A latou ne toa ‵mafi katoa.
17 Ka fakamasei ne latou au fuataga mo au meakai.+
Ka fakamasei ne latou au tama tāgata mo au tama fāfine.
Ka fakamasei ne latou au lafu mamoe mo au lafu pulumakau.
Ka fakamasei ne latou au lakau ko vine mo mati.
Ka fakaseai ne latou ki te pelu ou fakai e puipui faka‵lei kolā e talitonu koe ki ei.”
18 “Ke oko foki eiloa ki aso konā,” ko te folafolaga a Ieova, “ka se fakaseai katoatoa ne au a koutou.+
19 Kae kafai e fesili mai latou, ‘Kaia ne fai ei ne Ieova tou Atua a mea katoa konei ki a tatou?’ e ‵tau o tali atu koe ki a latou, ‘E pelā eiloa mo te tiakinaga ne koutou au o tavini atu ki se atua fakaa‵tea i te otou fenua, tela la, ka tavini atu eiloa koutou ki tino fakaa‵tea i se fenua telā e se i o koutou.’”+
20 Folafola atu te mea tenei i te kāiga o Iakopo,Kae fakailoa atu i Iuta, penei:
21 “Faka‵logo mai ki te mea tenei, koutou e tino va‵lea kae fakavale‵vale:+
E isi ne olotou mata kae e se ‵kite;+E isi ne olotou taliga kae e se ‵logo.+
22 ‘E a, e se mataku koe ki a au?’ ko te folafolaga a Ieova,‘E a, e se ‵tau o polepole koe i oku mua?
Ko au telā ne tuku ne au a one ke fai mo tuakoi o te tai,Se tulafono foliki telā e tumau kae e se mafai o fakaseai.
Faitalia me peipei ne galu, e se mafai o manumalo a latou;Faitalia me ‵gulu a galu konā, e se mafai eiloa o silia atu i ei.+
23 Kae ko tino konei e loto ma‵keke kae ‵teke;Ko oti ne ‵fuli kea‵tea latou kae olo atu i olotou auala.+
24 Kae e se fai aka latou i olotou loto:
“Ke na ma‵taku nei tatou ki a Ieova te ‵tou Atua,Te Atua telā e tuku mai ne ia te vaiua mo ana tau o aso,Ko vaiua i te tau e ‵to ei a lau o lakau mo vaiua i te tau e ‵somo ei a lau o lakau,Ko te Atua telā e leoleo ne ia mō tatou a vaiaso mautinoa o te ‵katiga o saito.”+
25 Ko otou mea ‵se eiloa ne taofi aka ei a mea konei mai i a koutou;Ko otou agasala eiloa ne fai ei ke se maua ne koutou a mea ‵lei.+
26 Me e isi ne tāgata ma‵sei i loto i oku tino.
E fatio‵tio faeloa latou e pelā eiloa me se tagata ‵po manu eva ko takato ki lalo.
E fakatoka ne latou se matasele tamate tino.
E puke ne latou a tāgata.
27 E pelā me se lulu e ‵fonu i manu eva,E ‵fonu foki olotou fale i mea ‵loi.+
Tenā te pogai ko isi ei se lotou malosi kae mau‵mea.
28 Ko gasolo aka latou o puta‵puta kae mania‵nia;Ko ‵fonu eiloa latou i mea matagā.
E se ‵lago atu latou ki te ‵tagi a tama‵liki e seai ne olotou tamana,+Ko te mea ke maua ne latou te manuia;Kae e se fai ne latou a te fakamasinoga tonu ki tino ma‵tiva.’”+
29 “E a, e se ‵tau o fakasala ne au latou ona ko mea konei?” ko te folafolaga a Ieova.
“E a, e se ‵tau mo au o taui ma sui atu ki se vaegā fenua penā?
30 E isi se mea fakatakalialia kae masei ne tupu i loto i te fenua:
31 A pelofeta e ‵valo ne latou a mea ‵loi,+Kae ko faitaulaga e fai olotou pulega i te lotou malosi eiloa.
Kae e fia‵fia oku tino ki te mea tenā.+
Kae ne a otou mea ka fai māfai ko oko mai te gataga?”
