Ioelu 3:1-21
3 “Kiloke! i aso konā mo te taimi eiloa tenā,Kafai ko faka‵foki mai ne au a pagota o Iuta mo Ielusalema,+
2 Ka fakamaopoopo fakatasi foki ne au a atufenua katoaKae aumai latou ki lalo i te Vanu o Iosefatu.*
Ka ulu atu au o fai te fakamasinoga o latou i konā+E sui ei oku tino mo toku tofi ko Isalaelu,Me ne fakasalalau ne latou a latou ki atufenua,Kae vaevae ne latou toku fenua i a latou eiloa.+
3 Ne fai ne latou a vili mō oku tino;+E fakatau atu ne latou se tamaliki tagata ke ‵togi ki ei se fafine talitāgataKae fakatau atu se tamaliki fafine ke maua a uaina mō inu.
4 Se a te otou mea e fai mai ki a auE Tulo, Saitonu, mo kogā koga katoa o Filisitia?
E a, e taui mai ne koutou se mea ki a au?
Kafai e taui mai ne koutou se mea ki a au,Ka fakafoki fakavave atu ne au te otou taui ki otou ulu.+
5 Ona ko aku siliva mo aulo kolā ne puke ne koutou,+Kae ne aumai ne koutou aku toe koloa ‵lei ki loto i otou faletapu;
6 Kae fakatau atu ne koutou a tino Iuta mo Ielusalema ki tino Eleni,+Ko te mea ke avatu latou ke ‵mao kea‵tea mai te lotou kogā fenua;
7 Ko faka‵tu aka nei ne au latou ke o‵mai mai te koga ne fakatau ne koutou a latou ki ei,+Kae ka fakafoki atu ne au te otou taui ki otou ulu.
8 Ka fakatau ne au otou tama tāgata mo tama fāfine ki lima o tino Iuta,+Kae ka fakatau atu ne latou ki tāgata o Seepa, ki se atufenua ‵mao;Me i a Ieova ko oti ne faipati ne ia te mea tenā.
9 Folafola atu te mea tenei ki atufenua:+
“Fakatoka mō te taua! Fakamalosi a tāgata ‵mafi!
Ke na fakapili‵pili mai a sotia katoa, ke na olo atu latou ki mua!+
10 Tuki otou mea fakamalū laukele ke pelā me ne pelu mo otou naifi ‵vele vao ke pelā me ne tao.
Ke fai aka a te tino vāivāi: “Au e malosi.”
11 O‵mai o fesoasoani mai, koutou e atufenua ‵pili mai katoa, maopoopo fakatasi!’”+
Ieova, ave ifo ou tino ma‵losi* i te koga tenā.
12 “Ke na ‵tu aka a atufenua kae o‵mai ki te Vanu o Iosefatu;Me ka sagasaga au i konā o fakamasino a atufenua ‵pili mai katoa.+
13 Tuku atu se naifi ‵kati saito, me ko ‵pala a fuataga.
O‵mai ki lalo kae lakalaka a vine, me i te mea ‵tau uaina ko ‵fonu.+
A tane ko ‵fonu maligiligi, me ko tō uke olotou amioga ma‵sei.
14 Te vaitino, a te vaitino ko ‵nofo i te vanu o fakaikuga,Me i te aso o Ieova ko pili mai ki te vanu o fakaikuga.+
15 A te la mo te masina ka pouli,Kae ko fetū ka se maina.
16 Kae ka ‵gulu mai a Ieova mai Siona,Mai i Ielusalema ka momea aka tena leo.
Kae ko te lagi mo te lalolagi ka galulu;Kae ko Ieova ka fai pelā me se lafiga mō ana tino,+Se taoa malosi mō tino Isalaelu.
17 Kae ka iloa ei ne koutou i a au ko Ieova te otou Atua, e nofo i Siona, toku mauga tapu.+
A Ielusalema ka fai pelā me se koga tapu,+Kae ka se toe ai ne tino ‵fou e ui atu i loto i ei.+
18 I te aso tenā, ka moti‵moti mai a uaina ma‵galo mai luga i mauga,+Ka ‵tafe mai foki a susu mai tamā mauga,Kae ko tamā vaitafe o Iuta ka ‵tafe katoa mai i ei a vai.
Ka ‵tafe mai se vaipuna mai te fale o Ieova,+Kae ka fakasiusiu ne ia a te Vanu o Lakau ko Akasia.
19 Kae ko Aikupito ka maofa valevale,+Kae ko Etoma ka fai mo fai se koga lavaki telā ka fakamaseigina,+
Ona ko fakasauaga ne fai ki tino o Iuta,+Ko te laukele telā ne fakamaligi i ei ne latou a toto o tino kolā e seai ne olotou ‵se.+
20 Kae ka isi faeloa ne tino e ‵nofo i Iuta,Penā foki mo Ielusalema i kautama fakamuli ifo.+
21 Ka fai ne au olotou toto e pelā me ne toto ‵ma kolā ne seki fai muamua ne au pelā me e ‵ma;+Kae ko Ieova ka nofo eiloa i Siona.”+
